Pasolini
Pasolini é un filme biográfico dirixido por Abel Ferrara sobre os últimos días de vida de Pier Paolo Pasolini, un dos maiores escritore se intelectuais italianos do século XX. Pasolini é interpretado por Willem Dafoe, e Ninetto Davoli -o seu amigo e actor fetiche- é interpretado por Riccardo Scamarcio. O filme foi seleccionado na 71ª Mostra de Venecia, no Festival Internacional de Cine de Donostia e mais no Festival Internacional de Cinema de Toronto. En Italia estreouse o 25 de setembro de 2014, e foi estreada en lingua galega en versión orixinal subtitulada o 27 de marzo de 2015[1].
| Pasolini | |
|---|---|
| Ficha técnica | |
| Título orixinal | Pasolini |
| Director | Abel Ferrara |
| Produtor | Thierry Lounas |
| Guión | Abel Ferrara e Maurizio Braucci |
| Intérpretes | Willem Dafoe (Pier Paolo Pasolini) Giada Colagrande (Graziella Chiarcossi) Riccardo Scamarcio (Ninetto Davoli) Maria de Medeiros (Laura Betti) Ninetto Davoli (Epifanio) Adriana Asti (Susanna Pasolini) Valerio Mastandrea (Nico Naldini) Francesco Siciliano (Furio Colombo) Salvatore Ruocco (Deputado socialista) Andrea Bosca (Andrea Fago) Damiano Tamilia (Pino Pelosi) Roberto Zibetti (Carlo) Luca Lionello (narrador) Tatiana Luter (muller lesbiana) Diego Pagotto (o fascista) |
| Fotografía | Stefano Falivene |
| Montaxe | Fabio Nunziata |
| Distribuidora | Europictures |
| Estrea | 25 de setembro de 2014 |
| Duración | 86 minutos |
| Orixe |  Italia.svg){kind=small} Bélxica Francia |
| Xénero | Biografía Drama |
| Na rede | |
| https://www.europictures.it/pasolini | |
        | |
Trama editar
Poeta, escritor, director, guionista, dramaturgo, intelectual e filósofo, Pasolini foi un artista completo, innovador, observador estudoso da sociedade da segunda posguerra italiana. No filme recréanse imaxes da vida real -a súa última entrevista, o coloquio cos seus amigos, de Davoli a Laura Betti- e secuencias oníricas que narran parte da súa novela incompleta Petrolio. Pasolini é o protagonista dun filme fantástico e alegórico, que remata coa súa morte, aínda sen resolver.
O filme inclúe imaxes da película de Pasolini Salò o le 120 giornate di Sodoma.