Partido Republicano Socialista Irlandés
O Partido Republicano Socialista Irlandés, tamén coñecido como ISRP polas súas siglas en inglés (Irish Socialist Republican Party), foi un partido político irlandés fundado en 1896 por James Connolly. O seu obxectivo era establecer unha república dos traballadores irlandesa. Dividiuse en 1904 logo de varios meses de liortas políticas internas.
| Irish Socialist Republican Party (ISRP) | |
|---|---|
| Antigo partido político de Irlanda (antes da partición) | |
| Dirixentes e organización | |
| Líder | James Connolly |
| Historia | |
| Fundación | 1896 En 1909 trocou o seu nome polo de Partido Socialista de Irlanda |
| Disolución | 1921 Converteuse no primeiro Partido Comunista de Irlanda |
| Posicións políticas | |
| Ideoloxía | Republicanismo irlandés Socialismo |
| Outros datos | |
| Sede | Dublín |
| Publicación | Workers' Republic |
| Na rede | |
| non tiña | |
Malia o seu pequeno tamaño (nunca tivo máis de 80 membros), o ISRP tense como un partido de grande importancia na historia antiga do socialismo e republicanismo irlandeses. A miúdo é descrito como o primeiro partido socialista e republicano en Irlanda, e a primeira organización en expoñer a ideoloxía do republicanismo socialista na illa. Durante o seu período de vida, tan só tivo unha sección realmente activa, a de Dublín. Houbo varios intentos de estabelecer outras en Cork, Belfast, Limerick, Naas, e incluso no norte de Inglaterra, mais non prosperaron.
O partido editou a primeira publicación regular socialista en Irlanda, a Workers' Republic, presentou candidatos ás eleccións locais e representou a Irlanda na Segunda Internacional. Politicamente o ISRP estaba adiantada ao seu tempo, facendo propaganda por unha república independente moito antes de que outros partidos o fixesen.
Connolly, que era o principal organizador do partido, deixou Irlanda para marchar aos Estados Unidos en 1903 (volvería en 1910) logo dun conflito interno. De feito, crese que foi pola combinación das loitas mesquiñas coa propia pobreza o que lle fixo abandonar a súa terra. Logo dunha escisión, onde un pequeno número de membros estabeleceron unha micro organización anti Connolly chamada o Partido Laborista Socialista Irlandés, o partido quedou inactivo e ferido en marzo de 1904. Connolly discutira co outro líder do partido, Edward Stewart, sobre a estratexia electoral e sobre o sindicato. Foi revivido en 1909 co novo nome de Partido Socialista de Irlanda, pero caeu unha vez máis na inactividade cando Connolly, máis inclinado a ver a revolución como un proceso impulsado polos sindicatos máis que por un partido revolucionario, involucrouse máis na Irish Transport and General Workers' Union e no Irish Citizen Army.
O legado do ISRP continuou nos movementos republicanos e de esquerdas en Irlanda por moitas décadas logo da súa desaparición en 1904. Despois do asasinato de Connolly polos británicos en 1916 e a Revolución de Febreiro de 1917 en Rusia, o partido foi revivido unha vez máis e en 1921 converteuse no primeiro Partido Comunista de Irlanda.
Véxase tamén editar
Bibliografía editar
- Radical Politics in Modern Ireland: A History of the Irish Socialist Republican Party (ISRP) 1896-1904 David Lynch, Dublin, Irish Academic Press 2005. ISBN 0-7165-3356-1.
- Communism in Modern Ireland: The Pursuit of the Workers' Republic since 1916, Mike Milotte, Dublin, 1984
Ligazóns externas editar
- A 'Political Studies Review' article on the ISRP
- The text of the 1896 political programme of the ISRP
- Review of book about ISRP
- Interview with Connolly scholars on the legacy of Connolly and the ISRP on the 90th anniversary of the 1916 Rising. Published in the Irish Echo (US)
- Scottish Left Review on ISRP study
- English magazine review of study of ISRP
- Scottish magazine review of a study of the ISRP
- Critical look at the ISRP in the Socialist Standard (UK)
- History Ireland magazine claims that one George Spain became leader of the ISRP following Connolly's departure to the United States in late 1903, a claim not made in David Lynch's 2005 study of the party.
- The ISRP and the Dewsbury Election (29 March 1902)
- Picture of the ISRP in Phoenix Park Dublin in 1901