Pansexualidade

orientación sexual cara a calquera persoa independentemente do seu xénero

A pansexualidade é unha orientación sexual humana, caracterizada pola atracción estética, romántica ou sexual por calquera outra persoa, independentemente da súa identidade sexual e xénero. Polo tanto, os pansexuais poden sentirse atraídos por homes, mulleres e tamén por aquelas persoas que non se senten identificadas coa dicotomía home/muller que implica a bisexualidade, nin coa de masculino/feminino, incluíndo así, por exemplo, a transxéneros e intersexuais. Xaora, a pansexualidade é a capacidade de amar a outra persoa con independencia do seu xénero.

Símbolo que representa á pansexualidade coas cores que representan esta orientación.

Ás veces engádese unha "P" á sigla LGBT en referencia á pansexualidade.

Preferencias e actos sexuais editar

A pansexualidade é independente dos tipos de amor que se poidan profesar e dos tipos de sexo que se practiquen. Os pansexuais poden sentirse atraídos por outras persoas en diversos planos románticos. Moitos pansexuais propoñen unha definición baseada na atracción pola persoa (ou polos humanos, en xeral).

Malia a súa orientación sexual sen distinción de xénero, algúns pansexuais poden sentir preferencias por un tipo concreto de persoa.

Diferenza entre pansexualidade e bisexualidade editar

Namentres que a bisexualidade implica atracción tanto por homes como por mulleres, a pansexualidade inclúe a potencialidade de sentirse atraído por calquera persoa sen que importen as categorías home/muller, masculino/feminino. É dicir, que a diferenza dos bisexuais, os pansexuais poden sentirse atraídos, ademais de por homes (en sexo biolóxico e xénero) e mulleres (en sexo biolóxico e xénero), tamén por persoas transxénero, incluídas as transexuas, e por persoas intersexuais. Cómpre puntualizar que o motivo polo cal non se inclúen os transexuais nas devanditas categorías "home" e "muller" non é porque non o sexan, senón polo rexeitamento que sofren por parte dos bisexuais; rexeitamento que, por parte dos pansexuais, non existe.

Malia esta diferenza, moitos pansexuais defínense a si mesmos como bisexuais por diversas razóns, como poden ser o non coñecer ou non estar familiarizados co termo, considerar que o termo bisexualidade os engloba ou para evitaren o ter que explicaren con frecuencia este termo tan pouco coñecido.

Referencias culturais editar

  • O personaxe Jack Harkness da serie da BBC Doutor Who é un pansexual. Na serie procede do ano 5000, no que os humanos espalláronse por todo o universo. Dise que non clasifica ás persoas en función do seu xénero, e que ten unha capacidade potencial de sentirse atraído por calquera persoa ou ata por seres doutros planetas, o que probablemente se deba a ter nacido nunha estrutura sociolóxica situada no futuro afastado.
  • Nun episodio da serie Will & Grace o chef de repostería de Karen Walker afirma que se considera a si mesmo pansexual, logo de revelar que tivo relacións sexuais con Will, Karen e Rosario.
  • Un dos personaxes da serie de animación norteamericana Drawn Together, Captain Hero, é pansexual.

Véxase tamén editar

Ligazóns externas editar