Paavo Nurmi

Paavo Nurmi, nado en Turku o 13 de xuño de 1897 e finado en Helsinqui o 2 de outubro de 1973, foi un atleta finés. Durante a década dos anos vinte, Nurmi foi considerado como o mellor fondista e mediofondista do mundo, establecendo marcas mundiais en distancias que ían entre os 1500 m e os 20 km.

Paavo Nurmi

Biografía
Nacemento	(fi) Paavo Johannes Nurmi 13 de xuño de 1897 Turku, Finlandia
Morte	2 de outubro de 1973 (76 anos) Helsinqui, Finlandia
Lugar de sepultura	Turku Cemetery (en)
Datos persoais
Outros nomes	El Finlandès volador
Residencia	Turku
País de nacionalidade	Finlandia
Altura	174 cm
Peso	65 kg
Actividade
Ocupación	fondista , maratoniano , atleta
Período de actividade	1914 -
Lingua	Lingua finesa, lingua sueca e lingua latina
Nacionalidade deportiva	Finlandia
Deporte	atletismo
Disciplina deportiva	Maratón
Traxectoria   Equipo Competición 1914-1934 Turun Urheiluliitto (en)
Participou en
1928	Xogos Olímpicos de 1928
1924	Xogos Olímpicos de 1924
1920	Xogos Olímpicos de 1920
Premios (6 de decembro de 1967)  Knight First Class of the Order of the Lion of Finland (en) (2 de decembro de 1952)  Finnish Olympic Cross of Merit, First Class (en) (1947)  The Great Cross of Merit of Finnish Sports and Culture of Physical Exercise (en) (1925)  Knight First Class of the Order of the White Rose of Finland (en) (1920)  First Class Medal of the Order of the White Rose of Finland (en)

Atletismo masculino
Ouro	1920	10.000m
Ouro	1920	8.000m cross country
Ouro	1920	8.000m cross country por equipos
Ouro	1924	1.500m
Ouro	1924	5.000m
Ouro	1924	5.000m cross country
Ouro	1924	5.000m cross country por equipos
Ouro	1924	3.000m por equipos
Ouro	1928	10.000m
Prata	1920	5.000m
Prata	1928	5.000m
Prata	1928	3.000m valos

Traxectoria

Nurmi obtivo un total de nove medallas de ouro en Xogos Olímpicos entre 1920 e 1928. En 1932 non puido competir, xa que recibía cartos por correr, polo que foi considerado como profesional. Nos XX.OO. de 1920, Nurmi obtivo tres preseas douradas: os 10.000 metros, o cross country e o cross country por equipos. Finalizou segundo na carreira polos 5.000.

En 1924 ganou 5 medallas de ouro, nos 1.500 metros, os 5.000 (con 26 minutos de diferenza entre ambas carreiras), os 3.000 metros por equipos, e novamente ambos cross country. Foi a derradeira vez que aqueles se disputaron, xa que a calor ocasionaba que a maior parte dos corredores abandonaran a carreira e incluso algúns deberon ser levados ó hospital.

Os derradeiros xogos de Nurmi foron os de 1928, onde obtivo ouro nos 10.000 metros e prata nos 5.000 e nos 3.000 metros valos. Continuou correndo despois dos xogos de Ámsterdam, pero foille impedido participar nos Ánxeles 1932 por ter recibido cartos por correr. Considerado un heroe nacional polos seus compatriotas, Nurmi foi o encargado de acender a chama olímpica nos xogos de Helsinqui '52. Despois do seu retiro do atletismo, abriu unha tenda na capital finesa. Finou en 1973 e se lle deu un funeral de estado. Cun total de 9 medallas de ouro e 3 de prata, Nurmi é o atleta olímpico máis exitoso até hoxe.