Osmerus
| Osmerus Eperláns | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) Osmerus eperlanus | |||||||||||||||||||||||||||||||||
| Clasificación científica | |||||||||||||||||||||||||||||||||
| |||||||||||||||||||||||||||||||||
| Especies | |||||||||||||||||||||||||||||||||
| |||||||||||||||||||||||||||||||||
Osmerus é un xénero de peixes teleósteos, o tipo da orde dos osmeriformes,[1][2] así como da suborde dos osmeroideos (Osmeroidei),[3] e da superfamilia do mesmo nome (Osmeroidea).[4]
Son pequenos peixes de dorso verdoso e ventre branco, cunha banda prateada nos flancos e coa mandíbula lixeiramente prominente, que viven na parte norte do hemisferio boreal, tanto ao longo das costas do océano Atlántico como do Pacífico. Son tipicamente anádromos.
O nome vulgar galego, eperlán,[5] provén do francés éperlan, e este do franco *spirling, do que derivan tamén os seus nomes en alemán (Spierling) e en neerlandés (spirling).[6]
Taxonomía editar
Descrición editar
O xénero foi descrito en 1758 polo naturalista sueco Carl von Linné, na 10ª edición do seu Systema Naturae.[1][2]
Porén, algúns autores atribúenlle a descrición a Forsskål en 1775.[7]
Etimoloxía editar
O nome científico Osmerus deriva do grego antigo ὀσμή osmḗ, "olor", "cheiro", "fragrancia", en referencia ao aroma característico da carne dos peixes deste xénero.[8][9][10]
Sinónimos editar
O xénero coñeceuse tamén polos sinónimos:
- Eperlanus Rutty, 1772
- Eperlanus Gaimard, 1851
Especies editar
O xénero comprende as tan só dúas especies:[1][2][11]
- Xénero Osmerus Linnaeus, 1758
- Osmerus eperlanus (Linnaeus, 1758) — eperlán europeo [5]
- Osmerus mordax (Mitchill, 1814) — eperlán arco da vella [5]
Aínda que algúns autores recoñecen tamén a:
- Osmerus dentex Steindachner & Kner, 1870 [12] — eperlán ártico [5], que é aceptada hoxe como a subespecie Osmerus mordax dentex Steindachner & Kner, 1870.[1]
E, na FishBase, tamén se recoñece a especie:[13]
- Osmerus spectrum Cope, 1870, denominado en inglés pygmy smelt (eperlán pigmeo), que nin o WoRMS nin o ITIS consideran.
Esta especie convive co eperlán arco da vella (Osmerus mordax) e distínguese del polo seu crecemento máis lento, a maduración máis temperá, a vida máis curta, a desova máis tardía e polos seus alimentos máis pequenos.[14] Os datos xenéticos suxiren que ambas as especies evolucinaron independentemente nos lagos onde viven.[15]
Notas editar
- ↑ 1,0 1,1 1,2 1,3 Osmerus Linnaeus, 1758 no WoRMS.
- ↑ 2,0 2,1 2,2 Osmerus Linnaeus, 1758 no ITIS.
- ↑ Osmeroidei no ITIS.
- ↑ Osmeroidea no ITIS.
- ↑ 5,0 5,1 5,2 5,3 Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia / Termigal. ISBN 84-453-2913-8, p. 59.
- ↑ eperlano no DRAE.
- ↑ Osmerus Forskal 1775 Arquivado 10 de marzo de 2016 en Wayback Machine. en Fossilworks.
- ↑ Woodhouse, S. C. (1910): English-Greek Dictionary - A Vocabulary of the Attic Language. George Routledge & Sons Ltd., Broadway House, Ludgate Hill, E. C. Searchable JPEG fulltext
- ↑ Glare, P. G. W. ed. (1968–1982): Oxford Latin Dictionary (1st ed.). Oxford (UK): Oxford University Press. ISBN 0-19-864224-5.
- ↑ FishBase (2006): Order Osmeriformes.
- ↑ Osmerus Arquivado 06 de xaneiro de 2017 en Wayback Machine. en Fauna Europaea.
- ↑ Osmerus na ADW.
- ↑ Especies do xénero Osmerus en FishBase.
- ↑ Froese, Rainer & Pauly, Daniel, eds. (2012): Osmerus spectrum Cope, 1870 en FishBase.
- ↑ Taylor, E. B. & Bentzen, P. (1993): "Evidence for multiple origins and sympatric divergence of trophic ecotypes of smelt (Osmerus) in northeastern North America". Evolution 47: 813-838.
Véxase tamén editar
Wikimedia Commons ten máis contidos multimedia na categoría: Osmerus  |
| Wikispecies posúe unha páxina sobre: Osmerus |
Bibliografía editar
- Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
- Eschmeyer, W. N.; R. Fricke & R. van der Laan, eds. (2016): Catalog of Fishes: Genera, Species, References. (Ver en liña).
- Nelson, Joseph S. (2006): Fishes of the World (4th ed.). Nova York: John Wiley & Sons, Inc. ISBN 0-4712-5031-7.
- Van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N.; Froese, R. (2001): "Pisces", en: Costello, M. J. et al. (Eds.) European register of marine species: a check-list of the marine species in Europe and a bibliography of guides to their identification. París: Muséum national d'Histoire naturelle. Collection Patrimoines Naturels, 50. ISBN 2-85653-538-0, pp. 357–374.
Outros artigos editar
Ligazóns externas editar
- Osmerus Linnaeus, 1758 no WoRMS.
- Osmerus Linnaeus, 1758 no ITIS.
- Especies do xénero Osmerus na FishBase.
- Osmerus na ADW.
- Osmerus Arquivado 13 de setembro de 2019 en Wayback Machine. na EOL.