Ortonéctidos
| Ortonéctidos (Orthonectida) | |||||||||
|---|---|---|---|---|---|---|---|---|---|
 Dúas femias de diferentes ortonéctidos | |||||||||
| Clasificación científica | |||||||||
| |||||||||
| Familias | |||||||||
Os ortonéctidos (Orthonectida, do grego ὀρθός orthós, "recto", "dereito", e νηκτός nēktós, "nadador", derivado de νήχειν nḗchein, "nadar") son un pequeno filo de animais parasitos de invertebrados mariños (moluscos, equinodermos etc), onde se encontran algúns dos animais multicelulares máis simples. O filo consta dunhas 20 especies das que Rhopalura ophiocomae é a máis coñecida.[3]
Estrutura editar
Móvense por cilios cando están fóra do anfitrión. Contan cunha capa celular sobre a que se acha unha masa de células sexuais. Pódense diferenciar os machos e as femias: cando a femia é inseminada, dos ovos sae rapidamente unha larva que busca de seguido hospedador.
As fases asexuadas son totalmente diferentes ás dos rombozoos (Rhombozoa) formando un plasmodio ameboideo e multinucleado, reproducíndose por plasmotomía. O plasmodio dá lugar a machos e femias que teñen parecido cos nematóxenos dos diciémidos ou rombozoos.
O somatodermo externo rodea a masa de células interiores formada por moitas células xerminais que producen óvulos e espermatozoides.
Cando o animal está sexualmente maduro abandona o hospedador e ten lugar a fecundación como organismos que nadan libres. Os zigotos desenvólvense dentro da femia e xeran unha larva como a infusoriforme dos rombozoos. Abandonan á nai e, logo dun período de vida libre, fanse infecciosas para novos hospedadores.
Clasificación dos ortonéctidos editar
- Familia Rhopaluridae
- Xénero: Ciliocincta (3 especies)
- Xénero: Intoshia (5 especies)
- Xénero: Rhopalura (12 especies)
- Xénero: Stoecharthrum (4 especies)
- Familia Pelmatosphaeridae
- Xénero: Pelmatosphaera (1 especie: P. polycirri)
Listaxe dos ortonéctidos máis coñecidos (por orde alfabética do nome científico) editar
- Ciliocincta julini (Caullery e Mesnil, 1899)
- Ciliocincta sabellariae Kozloff, 1965
- Intoshia leptoplanae (Giard, 1877)
- Intoshia linei (Giard, 1877) = Rhopalura linei
- Intoshia major (Shtein, 1953) = Rhopalura major
- Intoshia paraphanostomae (Westblad, 1942)
- Rhopalura elongata (Shtein, 1953)
- Rhopalura gigas (Giard, 1877)
- Rhopalura granosa (Atkins, 1933)
- Rhopalura intoshi (Metchnikoff)
- Rhopalura litoralis (Shtein, 1954)
- Rhopalura metschnikowi (Caullery e Mesnil, 1901)
- Rhopalura murmanica (Shtein, 1953)
- Rhopalura ophiocomae (Giard, 1877)
- Rhopalura pelseeneri (Caullery e Mesnil, 1901)
- Rhopalura philinae (Lang, 1951)
- Rhopalura pterocirri (de Saint-Joseph, 1896)
- Rhopalura variabili (Alexandrov e Sljusarev, 1992)
- Stoecharthrum giardi (Caullery e Mesnil, 1899)
- Stoecharthrum monnati (Kozloff, 1993)
- Pelmatosphaera polycirri (Caullery e Mesnil, 1904)
Notas editar
- ↑ Orthonectida World Registrer fo Marine Species. (en inglés)
- ↑ Orthonectida SIIT. (en inglés)
- ↑ Ben Hanelt, David Van Schyndel, Coen M. Adema, Louise A. Lewis & Eric S. Loker (November 1996). "The phylogenetic position of Rhopalura ophiocomae (Orthonectida) based on 18S ribosomal DNA sequence analysis". Molecular Biology and Evolution 13 (9): 1187–1191.
Véxase tamén editar
| Commons ten máis contidos multimedia sobre: Ortonéctidos |
| Wikispecies posúe unha páxina sobre: Ortonéctidos |
Bibliografía editar
- Brusca, R. C. & Brusca, G. J. (2005): Invertebrados, 2ª edición. Madrid: McGraw-Hill Interamericana. ISBN 0-87893-097-3.
Outros artigos editar
Ligazóns externas editar
- Orthonectida Arquivado 04 de marzo de 2016 en Wayback Machine. en Tree of Life (en inglés)
- Orthonectida en Animal Diversity Web (en inglés)
- Orthonectida en NCBI (en inglés)