Orquestra Sinfónica do Estado de Mérida
A Orquestra Sinfónica do Estado de Mérida (OSEM) é unha orquestra filharmónica orixinal da cidade de Mérida do estado de Mérida, en Venezuela. É unha organización sen ánimo de lucro fundada en 1991 polo pianista e educador venezolano José Antonio Abreu.
Orquestra Sinfónica do Estado de Mérida | |
---|---|
Panorámica da orquestra sinfónica do estado de Mérida | |
Orixe | Mérida, Venezuela |
Período | 21 de xuño de 1991 - presente |
Xénero(s) | música clásica |
Antigos membros | Amílcar Riva (director fundador) Sergio Bernal |
Na rede | |
OSEM | |
Historia e características editar
A orquestra creouse o 21 de xuño de 1991, como resultado do proceso natural de evolución e desenvolvemento da Orquestra Nacional da Xuventude do estado Mérida, fundada en 1978 como parte da expansión da Orquestra Xuvenil de Venezuela, sistema liderado polo mestre José Antonio Abreu.
O seu co-fundador e primeiro director artístico foi Amílcar Rivas. Entre 1994 e 1997, o seu director musical foi Sergio Bernal que ampliou o repertorio da orquestra con música sinfónica europea e latinoamericana. Entre 1998 e 2001, a OSEM foi liderada por Felipe Izcaray que comezou programas educativos entre a comunidade e que se converteron en parte fundamental das actividades da orquestra. César Iván Lara converteuse no director musical dende xaneiro de 2004.
Na tempada de 2006, a orquestra participou en moitos eventos oficiais do goberno do estado de Mérida, Universidade dos Andes, da FESNOJIV, e en diferentes municipios, ofrecendo 39 concertos sinfónicos e 108 concertos de cámara e educartivos en 21 municipios do estado de Mérida. En 1999, a OSEM foi nomeada Patrimonio Cultural do Estado Mérida.[1]
A orquestra comezou os actos de celebración do seu vixésimo aniversario o 15 de xaneiro de 2011, día no que realizaron un concerto da Sinfonía No. 2 "Pequena Rusia" de Tchaikovski co gallo do Festival de Música de Mérida.[2]
Notas editar
- ↑ "OSEM, Mérida Venezuela.". Arquivado dende o orixinal o 25 de setembro de 2011. Consultado o 11 de maio de 2011.
- ↑ El Nacional (13 de xaneiro de 2011). "Festival de Música de Mérida celebra su segunda edición" Arquivado 28 de setembro de 2011 en Wayback Machine. (en castelán)