Organización do Pobo de África do Suroeste
A SWAPO (acrónimo en inglés de South-West African People's Organization; en galego: «Organización Popular Africana do Suroeste») é un partido político de Namibia. A efectos electorais denomínase «SWAPO Party» (partido SWAPO).
| South-West African People's Organization (SWAPO) | |
|---|---|
| Partido político de Namibia | |
 | |
| Dirixentes e organización | |
| Líder | Sam Nujoma |
| Filiación internacional | Internacional Socialista |
| Historia | |
| Fundación | 1960 |
| Posicións políticas | |
| Ideoloxía | Socialdemocracia socialismo internacionalismo |
| Outros datos | |
| Sede | Windhoek, Namibia |
| Na rede | |
| http://www.swapoparty.org/ e http://www.swapoparty.org.na/ | |
Foi fundada en 1960. En 1966, pasou a ser unha organización militar que, usando tácticas guerrilleiras, empezou a combater o goberno surafricano en busca da independencia de Namibia. Primeiramente tivo os seus cuarteis xerais en Zambia, trasladándoas a Angola en 1975 ao se independizar esta de Portugal.
Utilizando o slogan "Unha Namibia, unha nación", opúxose con vehemencia ás políticas de desenvolvemento separado (apartheid) e de bantustáns impostas polo réxime racista de Suráfrica.
Cando en 1990 Namibia finalmente se constituíu como Estado independente, a SWAPO converteuse no partido político dominante da escena política, co seu líder Sam Nujoma gañando as primeiras eleccións e converténdose no primeiro presidente do país.
A SWAPO volveu obter a vitoria nas eleccións de 2005, con Hifikepunye Pohamba, logrando facerse co 75% do electorado.