Once (filme)
Once é un filme irlandés dirixido por John Carney que se estreou no 2007. Está protagonizado por Glen Hansard e Markéta Irglová que interpretan a dous músicos que se coñecen en Dublín, Irlanda. Hansard e Irglová xa tiñan colaborado xuntos como músicos no grupo Swell Season, e eles compuxeron e interpretaron as cancións orixinais do filme.
| Once | |
|---|---|
| Ficha técnica | |
| Título orixinal | Once |
| Director | John Carney |
| Produtor | Martina Niland |
| Guión | John Carney |
| Intérpretes | Glen Hansard Markéta Irglová |
| Música | Glen Hansard Markéta Irglová Interference |
| Fotografía | Tim Fleming |
| Montaxe | Paul Mullen |
| Estudio | Bórd Scannán na hÉireann Samson Films Summit Entertainment RTE |
| Distribuidora | Fox Searchlight Pictures |
| Estrea | 2007 |
| Duración | 86 minutos[1] |
| Orixe |  Irlanda |
| Xénero | Musical, Drama |
| Orzamento | $150 000[2] |
| Recadación | $23 300 000[3] |
| Na rede | |
           | |
Once estivo varios anos en desenvolvemento no Irish Film Board e tivo un orzamento de €112 000. Foi un éxito comercial, acadando importantes recadacións nos Estados Unidos. Recibiu premios como o premio Spirit ó mellor filme estranxeiro no ano 2007. A canción de Hansard e Irglová "Falling Slowly" gañou o Oscar á mellor canción orixinal, e a banda sonora conseguiu un nomeamento ós Premios Grammy.
Sinopse editar
Glen Hansard interpreta a un cantante e compositor que actúa nas rúas de Dublín, cando non está traballando na tenda do seu pai (Bill Hodnett). Durante o día, para gañar algúns cartos, interpreta temas coñecidos para os transeúntes, pero polas noites, toca os seus propios temas nos que fala de como o deixou a súa moza. O seu talento non pasa desapercibido a unha inmigrante checa (Markéta Irglová) que vende flores na rúa. Ela tampouco tivo sorte no amor e, para sentirse un pouco mellor, escribe cancións sobre o tema, pero, a diferenza de Glen, nunca as interpreta en público. Os dous acaban de improviso facendo un dueto nunha tenda de música, e será entón cando descubran que hai algo os une.
Personaxes editar
- Glen Hansard como Guy (non ten nome, nos créditos como Guy), un guitarrista canta nas rúas de Dublín.
- Markéta Irglová como Girl (nos créditos como Girl), un rapaza checa que toca o piano.
- Bill Hodnett como O pai do rapaz, que ten unha tenda de reparación de aspiradoras.
- Danuse Ktrestova como A nai da rapaza.
- Geoff Minogue como O representante.
- Kate Haugh como Ivonka, a filla da rapaza.
- Hugh Walsh como Timmy, o batería.
- Alaistair Foley como O baixista.
- Gerard Hendrick como O guitarrista solista.
- Sean Miller como o banqueiro.
- Marcella Plunkett a Ex-moza do rapaz.
- Senan Haugh como O marido da rapaza.
Galardóns e nomeamentos editar
- 2007: Oscar á mellor canción orixinal.
- 2007: Festival de Cinema de Sundance: Premio do Público (Internacional).
Notas editar
- ↑ British Board of Film Classification (ed.). "ONCE- British Board of Film Classification".
- ↑ boxofficemojo.com (ed.). "Once (2007) - Box Office Mojo".
- ↑ The Numbers, ed. (20 de decembro de 2007). "Once (2007)". Consultado o 4 de marzo de 2012.
Véxase tamén editar
Ligazóns externas editar
- Once na IMDb (en inglés).
- Ficha en RottenTomatoes (en inglés)
- Ficha en Metacritic (en inglés)
- Ficha en AllMovie (en inglés)