Neuroanatomía

A neuroanatomia é o eido da anatomía que estuda a organización anatómica do sistema nervioso, estuda innumerábeis ligazóns anatómicas entre os nervios do cerebro até a rexión periférica do corpo, centrándose en particular na estrutura interna do cerebro. A neuroanatomía comparada é a ciencia que analiza e contrasta os sistemas nerviosos das diferentes especies, dende os máis sinxelos até os mamíferos ou mesmo o ser humano. O primeiro rexistro escrito coñecido dun estudo da anatomía do cerebro humano corresponde a un texto exipcio, o papiro de Edwin Smith. O seguinte avance no desenvolvemento da neuroanatómía foi arredor de mil anos máis tarde, cando Alcmeón concluíu que o cerebro é o que goberna e dirixe ao resto do corpo, e non o corazón coma se pensaba até o momento. Un dos fundadores da neuroanatomía moderna foi o descubridor da neurona, Santiago Ramón y Cajal, premio Nobel de medicina no ano 1906.

VIsión 3D do encéfalo.

Divisións anatómicas do sistema nervioso

O sistema nervioso dos vertebrados está constituído polo encéfalo e a medula espiñal (sistema nervioso central, SNC), e polas conexións dos nervios que comunican co resto do corpo (sistema nervioso periférico, SNP).

Sistema nervioso central

• Cerebro
• Mesencéfalo
• Protuberancia ou ponte
• Cerebelo
• Bulbo raquídeo
• Medula espiñal (Porcións cervical, dorsal, lumbar, sacra e coccíxea)
• Nervios Craniais I e II

Sistema nervioso periférico

• Nervios Craniais III a XII.
• Nervios Espinais (Entre eles destacan 2 plexos no Plexo Braquial e Lumbosacro)

Véxase tamén

Outros artigos

• Sistema nervioso
• Neuroloxía
• Santiago Ramón y Cajal