Nemanja Nenadić
Nemanja Nenadić (en serbio: Немања Ненадић), nado o 2 de xaneiro de 1994 en Vršac, é un xogador serbio de baloncesto profesional internacional. Formado nas categorías inferiores do Crvena zvezda (Estrela Vermella) de Belgrado, actualmente xoga para o Río Breogán da Liga ACB.[1] Cunha altura de 1,98 m, xoga na posición de ala.[2]
| Río Breogán – No. 20 | |
| Información persoal | |
|---|---|
| Nacemento | 2 de xaneiro de 1994 (29 anos).svg){kind=small} Belgrado, Iugoslavia
|
| Nacionalidade |  Serbia
|
| Altura | 1,97 m (6 ft 6 in) |
| Peso oficial | 88 kg (194 lb) |
| Posición | Ala, escolta |
| Liga | ACB / BCL |
| Información da carreira | |
| NBA Draft | 2016 / Rolda: Non drafteado |
| Carreira | 2017−presente |
| Historial de equipos | |
| KK Slodes (2012–2014) KK Tamiš (2014−2015) Mladost Zemun (2015) KK Pirot (2015–2016) Vojvodina Srbijagas (2016) OKK Dunav (2016−2017) FMP Meridian (2017−2018) KK Crvena zvezda (2018−2020) → Mega Mozzart (2019−2020) FMP Meridian (2020−2021) Zastal Zielona Góra (2021−2022) Río Breogán (2022− ) | |
Traxectoria editar
Nado en Belgrado, Nenadić medrou no barrio de Barajevo, onde comezou a xogar ao baloncesto.[3] Máis tarde pasou formar parte das categorías inferiores do Cerak e do Slodes, onde debutou na terceira división serbia. En 2014 mudou a Tamiš, onde debutou na máxima categoría do país. Con todo, debido á falta de oportunidades, a metade de temporada foi transferido ao Mladost Zemun, naquela altura equipo da segunda división.[3]
Na temporada 2015−16 comeza a temporada no KK Pirot da segunda división, onde fai unha media de 15,9 puntos e 4 rebotes por partido. Debido ao seu gran rendemento, en xaneiro de 2016 asina polo Vojvodina Srbijagas da primeira división. Na temporada 2016−17 ficha polo OKK Dunav, equipo co que consegue gañar a primeira Copa de Serbia da historia do club. Ese ano fixo unha media de 12,7 puntos e 6,2 rebotes por partido en liga, co seu equipo finalizando en quinto lugar.
O 5 de agosto de 2017 acordou unha contrato por tres anos co KK FMP. Co equipo belgradino chegou á final da Superliga de Serbia, onde anotou unha media de 16 puntos por partido, sendo así o segundo máximo anotador da máxima categoría do baloncesto serbio. O seu gran rendemento produciu que, o 14 de setembro de 2018, asinase un contrato de tres anos co KK Crvena zvezda (Estrela Vermella) da Euroliga. Co equipo albivermello gañou a Liga do Adriático (ABA Liga), a Supercopa da Liga do Adriático e a Superliga de Serbia. Na temporada 2019−20 comezou co Crvena zvezda, mais a súa falta de minutos levouno a ser cedido o 19 de decembro de 2019 ao Mega Mozzart. O 21 de xullo de 2020, regresou ao FMP, onde promediou na Liga do Adriático case 17 puntos e 5 rebotes por encontro. Após acabar a temporada, asinou polo Zastal Zielona Góra polaco, onde volve a destacar tanto na VTB, 16,6 puntos, 3,8 rebotes e 4,3 asistencias por encontro, como na PLK, 14,8 puntos, 5,0 rebotes e 5,0 asistencias por encontro no equipo subcampión. O 23 de xuñode 2022 anunciouse a súa fichaxe polo Río Breogán da Liga ACB. A nivel internacional cómpre destacar a súa participación coa selección serbia na Universiada de 2017.
Clubs editar
Ao longo da súa carreira, Nenadić ten xogado para os seguintes equipos profesionais:[2]
KK Slodes (3ª División, 2012–2014)- KK Tamiš (KLS, 2014−2015)
- Mladost Zemun (KLS B, 2015)
- KK Pirot (KLS B, 2015−2016)
- Vojvodina Srbijagas (KLS, 2016)
- OKK Dunav (KLS, 2016−2017)
- FMP Meridian (ABA / KLS, 2017−2018)
- KK Crvena zvezda (Euroliga / ABA, 2018−2019)
- Mega Mozzart (ABA, 2019−2020)
- FMP Meridian (ABA / KLS, 2020−2021)
Zastal Zielona Góra (VTB / PLK, 2021−2022)
CB Breogán (ACB, 2022− )
Notas editar
- ↑ "Nemanja Nenadić, novo xogador do Río Breogán". CB Breogán. 15 de xuño de 2022. Consultado o 15 de xuño de 2022.
- ↑ 2,0 2,1 "Nemanja Nenadić, Basketball Player". Proballers (en inglés). Consultado o 15 de xuño de 2022.
- ↑ 3,0 3,1 "Нови лидер ФМП-а Немања Ненадић: Спремамо се да победимо Звезду!". zurnal.rs (en serbio). 6 de xuño de 2018.
Véxase tamén editar
Ligazóns externas editar
- Perfil en Euroliga (en inglés)
- Perfil en Proballers (en inglés)