Nathalie Poza
Nathalie Poza Maupain, nada en Madrid o 7 de marzo de 1972, é unha actriz española.[1]
 (2020)  | |
| Biografía | |
|---|---|
| Nacemento | 7 de marzo de 1972 (52 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | actriz , actriz de cinema , actriz de teatro |
| Período de actividade | 1995 - |
| Lingua | Lingua castelá |
Premios
| |
      | |
Traxectoria editar
Poza naceu en Madrid, filla de nai francesa e pai español. Estudou en St. Anne's School, un colexio británico de Madrid, e desde pequena aprendeu a tocar o piano e practicou ballet.[1]
A súa carreira estivo moi ligada ao teatro como compoñente do grupo Animalario, co que participou en diversas montaxes xuunto con actores como Andrés Lima, Javier Gutiérrez Álvarez, Guillermo Toledo, Alberto San Juan ou a súa exparella Gonzalo de Castro.
Na televisión colaborou con papeis secundarios en multitude de series desde mediados da década de 1990, incluíndo participacións en Hermanas, Éste es mi barrio, Más que amigos, Periodistas, Señor alcalde, El comisario e Hospital Central. Tivo o seu primeiro papel fixo en 2001, o de Nerea en Policías, en el corazón de la calle e posteriormente en Un lugar en el mundo (2003) e Maneras de sobrevivir (2005).
Os seus primeiros traballos cinematográficos foron as curtametraxes Abierto (El eco del tiempo) (1997) de Jaime Marques, No sé, no sé (1998) de Aitor Gaizka e Ruth está bien (1999) de Pablo Valiente.
En 2002 rodou o telefilme Entre cien fuegos ás ordes de Iñaki Eizmendi e ese mesmo ano estreou El otro lado de la cama, de Emilio Martínez-Lázaro, un dos filmes de máis éxito do cinema español nese tempo. En 2003 Maria Ripoll dirixiuna en Utopía. Participou tamén en Días de fútbol de David Serrano de la Peña e La flaqueza del bolchevique, de Manuel Martín Cuenca. Con estes dous últimos directores rodou posteriormente Malas temporadas (2005) e Días de cine (2007).
En 2013 estreou o filme Todas las mujeres, dirixido por Mariano Barroso e en 2015 uniuse á serie Carlos, Rey Emperador onde deu vida a Xermana de Foix.[2]
Filmografía editar
| Ano | Título | Director |
|---|---|---|
| 2002 | Entre cien fuegos | Iñaki Eizmendi |
| 2002 | El otro lado de la cama | Emilio Martínez-Lázaro |
| 2002 | Utopía | Maria Ripoll |
| 2003 | Días de fútbol | David Serrano |
| 2003 | La flaqueza del bolchevique | Manuel Martín Cuenca |
| 2005 | Malas temporadas | Manuel Martín Cuenca |
| 2006 | Días de cine | David Serrano |
| 2007 | El club de los suicidas | Roberto Santiago |
| 2007 | Salir pitando | Álvaro Fernández Armero |
| 2009 | Un bo home | Juan Martínez Moreno |
| 2012 | Lo mejor de Eva | Mariano Barroso |
| 2013 | Todas las mujeres | Mariano Barroso |
| 2016 | Julieta | Pedro Almodóvar |
| 2017 | No puedo decir adiós | Lino Escalera |
| 2019 | Mientras dure la guerra | Alejandro Amenábar |
| 2020 | Rifkin's Festival | Woody Allen |
| 2020 | La boda de Rosa | Icíar Bollaín |
Notas editar
- ↑ 1,0 1,1 "Nathalie Poza". Antena3.com (en castelán). Atresmedia. Consultado o 7 de agosto de 2017.
- ↑ Carlos, Rey Emperador