Museo Casa de la Moneda (Madrid)
O Museo Casa de la Moneda (galego: "Museo Casa da Moeda) é unha colección e exposición permanente de numismática da Real Casa de la Moneda - FNMT, en Madrid. O museo contén a maior colección numismática de España e unha das máis completas de Europa.
| Museo Casa de la Moneda (Museo da FNMT) | |
|---|---|
.jpg) Cartel á entrada do Museo Casa de la Moneda | |
| Coordenadas | 40°25′21.72″N 3°40′15.24″O / 40.4227000, -3.6709000 |
| País |  España |
| Cidade |  Madrid |
| Director | Rafael Feria y Pérez |
| Inauguración | 1867 |
| Na rede | |
| https://www.museocasadelamoneda.es/ | |
| [ editar datos en Wikidata ] | |
Está situado no edificio da FNMT, na rúa Doctor Esquerdo, en Madrid, e o seu director é Rafael Feria y Pérez desde 1988.[1][2]
Historia editar
As orixes do museo remóntanse ao século XVIII e están estreitamente vinculadas á figura de Tomás Francisco Prieto, gravador xeral das casas de moeda do rei Carlos III. Prieto foi director de gravado na Real Academia de Belas Artes de San Fernando e fundador, en 1771, dunha escola de gravado na que se formaban os artistas que posteriormente traballarían nas reais casas de moeda de España e das súas colonias.[3]
O núcleo inicial do museo foi unha colección de debuxos, gravados, libros antigos, moedas e medallas feitas por Prieto para axudar no ensino ao seu alumnado. Este xermolo da colección foi adquirido por Carlos III, quen o ampliou con novas compras e doazóns.[3]
En 1867, durante o reinado de Isabel II, espúxose por vez primeira ao público a colección orixinal do Museo da Casa da Moeda, no antigo edificio de ceca madrileña na praza de Colón. A exposición acadou a condición de permanente e mantívose alí ata 1964, cando se trasladou á localización actual na rúa Doctor Esquerdo.[3]
A Fábrica Nacional de Moeda e Timbre foi fundada en 1893 logo da fusión de dúas entidades: a Casa da Moeda e a Fábrica de Selos. Desde 1861, ambas as institucións compartiran o mesmo edificio na praza de Colón, malia seren independentes e teren administracións separadas.[3][4]
Colección e exposicións editar
A colección numismática do Museo Casa de la Moneda parte desde as orixes da moeda, pasando polas cuñaxes da antiga Grecia, da antiga Roma e da antiga Iberia, da Idade Media, dos Reis Católicos, da Casa de Austria e da Casa de Borbón. Inclúense tamén dúas dalas con moedas desde o século XIX ata o século XXI.[5][6]
Así mesmo, o museo dispón de salas dedicadas á medalla, ás artes gráficas, ao papel selado, á lotaría e á filatelia, e algúns exemplos de maquinaria de cuñaxe e de verificación da autenticidade de billetes.[5][6]
En paralelo á exposición permanente, o museo ofrece tamén exposicións temáticas de carácter temporal.[7]
Notas editar
- ↑ "Información al visitante". Museocasadelamoneda.es
- ↑ Martínez Gallego, J. M. "Rafael Feria, director del Museo Casa de la Moneda: “Es el museo monetario más grande del mundo entre los dependientes de una casa de moneda o banco central”". Crónica Numismática.
- ↑ 3,0 3,1 3,2 3,3 "Historia del Museo". Museocasadelamoneda.es
- ↑ "Información Institucional: Mirada histórica". Fnmt.es
- ↑ 5,0 5,1 "Exposición permanente". Museocasadelamoneda.es
- ↑ 6,0 6,1 "Museo". Museocasadelamoneda.es
- ↑ "Exposiciones temporales". Museocasadelamoneda.es
Véxase tamén editar
Wikimedia Commons ten máis contidos multimedia na categoría: Museo Casa de la Moneda  |