Moto2

Moto2
Fundación	2010
Rexión	Internacional
Actual campión	Johann Zarco (pilotos); Modelo:GERb Kalex (construtores)
Sitio web	www.motogp.com

Moto2 é a categoría intermedia do Campionato do Mundo de Motociclismo de velocidade, regulado pola FIM. Destinada a motocicletas equipadas con motores de 600cc e catro tempos, esta categoría substituíu a partir de 2010 á antiga de 250cc (con motor de dous tempos). Os motores son producidos por Honda, os pneumáticos por Dunlop e a electrónica fornécena só produtores autorizados pola FIM, cun custo máximo de 650 euros por equipamento.

O primeiro piloto en gañar este campionato foi o español Toni Elías, quen gañou matematicamente en título o 10 de outubro de 2010 ao quedar cuarto no GP de Malaisia a falta de tres carreiras para terminar o campionato.

Características editar

A categoría Moto2 conta cunha normativa específica, diferente de MotoGP e Superbikes. O motor será o mesmo que monta a Fonda CBR600RR^[1], un modelo de rúa pero con preparación específica para competición; no entanto, a parte ciclo deberá ser prototipo, así que os equipos deberán deseñar un chasis desde cero, do mesmo xeito que o depósito, carenado e demais compoñentes, que non poderán ser derivados de ningún xeito dun modelo de rúa.

Ficha técnica editar

Motor: Catro cilindros en liña, 4 tempos, 16 válvulas DOHC, refrixeración líquida.^[2]
Orixe: Honda.
Cilindrada: 599cc.
Diámetro por carreira: 67 x 42,5 mm.
Potencia máxima: 140 CV.
Carburación: inxección electrónica PGM-FI.
Diámetro da bolboreta: 40 mm.
Depósito de combustible: 22 litros.
Embrague: multidisco, autodeslizante húmido, con accionamento mecánico por cable.
Bastidor: dobre viga en aluminio.
Dimensións: 1.990 x 500 x 1.000 mm.
Ángulo de lanzamento: 22º55’ (variable).
Avance: 95 mm (variable).
Altura do asento: 700 mm.
Suspensión traseira: Amortecedor Showa de 55 mm de percorrido.
Lamias: de magnesio forxado.
Dianteira: 17 x 3,75.
Traseira: 17 x 6.
Pneumático dianteiro: Dunlop 125/80-17.
Pneumático traseiro: Dunlop 190/55-17.
Freo dianteiro: Disco de 300 mm., pinzas de catro pistóns e ancoraxe radial Galfer.
Freo traseiro: Disco de 220 mm., pinza de dúas pistóns Galfer.
Peso en orde de marcha: 137 quilos

A maioría dos elementos da parte ciclo da moto están personalizados para cada equipo. O único elemento común é o motor de orixe Honda.

Campións editar

Edición	Primeiro	Puntos	Segundo	Puntos	Terceiro	Puntos
2010	Toni Elías	271	Julián Simón	201	Andrea Iannone	199
2011	Stefan Bradl	274	Marc Márquez	251	Andrea Iannone	177
2012	Marc Márquez	324	Pol Espargaró	268	Andrea Iannone	193
2013	Pol Espargaró	265	Scott Redding	225	Esteve Rabat	215
2014	Esteve Rabat	346	Mika Kallio	289	Maverick Viñales	274
2015	Johann Zarco	352	Álex Rins	234	Esteve Rabat	231