Metropolis
Metropolis é un filme mudo de ciencia ficción de Fritz Lang, rodada en Alemaña en 1927. Está considerada como a máis sobranceira representante do expresionismo no eido cinematográfico. Producido nos Babelsberg Studios por UFA, trátase dunha longametraxe de ciencia ficción cuxa trama se desenvolve nunha distopía urbana futurista. É considerado o pioneiro dos filmes de ciencia ficción, sendo a primeira longametraxe deste xénero.[2] Ademais, é un dos máximos expoñentes do expresionismo alemán nas artes cinematográficas.
| Metropolis | |
|---|---|
 Logo do filme. | |
| Ficha técnica | |
| Título orixinal | Metropolis |
| Director | Fritz Lang |
| Produtor | Erich Pommer |
| Guión | Thea von Harbou Fritz Lang |
| Intérpretes | Alfred Abel Brigitte Helm Gustav Fröhlich Rudolf Klein-Rogge |
| Música | Gottfried Huppertz |
| Fotografía | Karl Freund Günther Rittau Walter Ruttmann |
| Estudio | Babelsberg Studios |
| Distribuidora | UFA |
| Estrea | 10 de xaneiro de 1927[1] |
| Duración | 148 minutos (restauración de 2010) 153 minutos (estrea de 1927, perdida) |
| Orixe |  República de Weimar |
| Xénero | Ficción científica |
| Orzamento | 5 100 000 Reichsmark (estimado) |
| Na rede | |
           | |
O guión foi escrito por Fritz Lang e a súa muller Thea von Harbou, inspirándose nunha novela de 1926 da propia Von Harbou. Protagonizárono Brigitte Helm, Gustav Fröhlich, Alfred Abel e Rudolf Klein-Rogge.
Metropolis é un dοs poucos filmes considerados Memoria do Mundo pola Unesco (outros son os filmes documentais dos irmáns Lumière, Los olvidados, dirixida por Luis Buñuel de 1950 e The Wizard of Oz de Victor Fleming de 1939). Foi o primeiro en posuír esta categoría, amparado na vívida encarnación de toda a sociedade, e na profundidade do seu contido humano e social.
Feito en Alemaña durante a República de Weimar, Metropolis segue os intentos de Freder, o fillo do gobernante da cidade, e Maria, cuxo pasado non é explicado no filme, por superar o abismo que os separa nunha sociedade clasista. Metropolis foi rodada en 1925, e tivo un custo aproximado de 5 millóns de Reichsmarks.[3] Así, foi o filme máis caro daquela época.[4]
Sinopse editar
Nunha megalópole do ano 2026, os obreiros viven recluídos nun gueto subterráneo, onde se atopa o corazón industrial da cidade e do que non poden saír. Pero, incitados por un robot, rebélanse contra a clase intelectual que ten o poder e ameazan con destruír a cidade exterior. Freder (Gustav Fröhlich), o fillo do soberano de Metropolis, e María, unha rapaza de orixe humilde, intentarán evitar a destrución apelando ós sentimentos e ó amor.
Personaxes editar
- Alfred Abel como Joh Fredersen, o líder da cidade.
- Gustav Fröhlich como Freder, fillo de Fredersen, quen trata de mediar entre a elite e os traballadores.
- Brigitte Helm como Maria.
- Rudolf Klein-Rogge como C. A. Rotwang, un científico tolo.
- Heinrich George como Grot.
- Fritz Rasp como "Der Schmale" ("The Thin Man").
- Theodor Loos como Josaphat.
- Erwin Biswanger como 11811 - Georgy, o traballador con quen Freder troca os papeis.
Notas editar
- ↑ Kreimeier, Klaus (1999). The Ufa story: a history of Germany's greatest film company, 1918–1945. Berkeley: University of California Press. p. 156. ISBN 0-520-22069-2.
- ↑ SciFi Film History - Metropolis (1927) Arquivado 10 de outubro de 2017 en Wayback Machine. - Although the first science fiction film is generally agreed to be Georges Méliès' A Trip To The Moon (1902), Metropolis (1926) is the first feature length outing of the genre. (scififilmhistory.com, retrieved 15 May 2013)
- ↑ Hahn, Ronald M. / Jansen, Volker: Die 100 besten Kultfilme. Heyne Filmbibliothek, München 1998, ISBN 3-453-86073-X, S. 396 (German)
- ↑ "Total Sci-Fi Online". Time Tunnel: Metropolis. Arquivado dende o orixinal o 06 de decembro de 2009. Consultado o 13 de agosto de 2013.
Véxase tamén editar
Ligazóns externas editar
| Wikimedia Commons ten máis contidos multimedia na categoría: Metropolis |
- Ficha na IMDb (en inglés)
- Ficha en Filmaffinity (en castelán)
- Box Office Mojo (en inglés)