Mesa redonda de debate

Non confundir coa Táboa Redonda da corte do rei Artur.

Unha mesa redonda (de debate) é un grupo de discusión de persoas en torno a un tema relevante, dirixida por un moderador, ante un auditorio constituído por persoas interesadas no tema. O moderador abre a sesión, concede a palabra alternativamente aos opoñentes, formula preguntas, controla o tempo de participación e pecha a sesión cunha síntese e un comentario persoal.

Características da mesa redonda

• Forma de discusión a modo de conversación.
• Control parcial do moderador.
• Exposición de diferentes puntos de vista, feitos e actitudes sobre un tema.
• Máxima interacción entre os integrantes da mesa.
• Útil para definir puntos de acordo e desacordo e chegar a conclusións comúns.
• Fomento das relacións humanas e da habilidade para comunicarse.

Preparación e desenvolvemento dunha mesa redonda

1. Elixir un tema polémico.
2. Ter claros os obxectivos da reunión.
3. Seleccionar aos participantes co coidado de que teñan puntos de vista diverxentes sobre o tema.
4. Elixir un moderador imparcial.
5. Planificar previamente a reunión cos participantes, sen que haxa discusión preliminar.
6. Dar un tempo (por exemplo, uns dez minutos) para unha primeira rolda.
7. Establecer unha quenda onde o público exprese as súas opinións e faga preguntas aos participantes.
8. Pechar a mesa cun resumo das ideas principais e a enumeración de conclusións por parte do moderador.

Véxaser tamén

Outros artigos

• Coloquio
• Conferencia
• Debate
• Foro
• Relatorio