Marguerite Yourcenar

Marguerite Yourcenar
Biografía
Nacemento	(fr) Marguerite Antoinette Jeanne Marie Ghislaine Cleenewerck de Crayencour ; 8 de xuño de 1903; Bruxelas
Morte	17 de decembro de 1987; Mount Desert Island (Estados Unidos)
Lugar de sepultura	Brookside Cemetery (en)
17ª Cadeira 3 da Academia Francesa (pt)
	6 de marzo de 1980 – 17 de decembro de 1987 ; ← Roger Caillois (pt) – Jean-Denis Bredin (pt) →
Datos persoais
País de nacionalidade	Estados Unidos de América (1947–); Francia ; Bélxica
Actividade
Campo de traballo	Novela, tradución, crítica literaria, Drama, actividade literaria, ensaio, poesía e Prosa
Ocupación	novelista , profesora universitaria , escritora , dramaturga , tradutora , poeta , ensaísta , crítica literaria
Empregador	Sarah Lawrence College (en)
Membro de	Lebanese Academy of Fine Arts (en) (1980–); Academia Francesa (1980–1987); Academie Royale de Langue et de littérature Françaises (en) (1970–1987); Academia Estadounidense das Artes e as Letras ; Academia das Artes e das Ciencias dos Estados Unidos
Xénero artístico	novela, teatro, ensaio, poesía
Lingua	Lingua francesa e lingua inglesa
Obra
	Obras destacables (1929) Alexis ou o Tratado do Vão Combate (pt) ; (1938) Oriental Tales (en) ; (1951) Memórias de Adriano (pt) ; (1968) A Obra ao Negro (pt) ; (1977) Archives du Nord; (1981) Mishima: A Vision of the Void (en) ;
Arquivos en	Houghton Library (en) ;
Familia
Familia	Q2325659
Cónxuxe	sen valor
Parella	Grace Frick (en)
Pais	Michel-Charles de Crayencour (en) e Fernande de Cartier de Marchienne (pt)
	Premios (1983) Premio Erasmus; (1968) Premio Femina; Membro da Academia Estadounidense das Artes e as Ciencias; comandante da Lexión de Honra; Grande prémio de literatura da Academia francesa (pt) ; Prince Pierre Award (en) ; Grand prix national des Lettres (en) ; Premio Femina Vacaresco ;
	Sinatura

Marguerite Antoinette Jeanne Marie Ghislaine Cleenewerck de Crayencour, coñecida como Marguerite Yourcenar, nada en Bruxelas (Bélxica) o 8 de xuño de 1903 e finada en Mount Desert Island (EUA) o 17 de decembro de 1987, foi unha poeta, novelista, autora de teatro e tradutora francesa. En 1983 foi galardoada co Premio Erasmus.^[1]

Traxectoria editar

Marguerite Yourcenar foi educada polo seu pai. Súa nai morreu aos 10 días do seu nacemento por complicacións no parto. Yourcenar lía a Racine e Aristófanes á idade de oito anos. Seu pai ensinoulle latín aos 10 e grego clásico aos 12.

Carreira literaria editar

A partir de 1919, abandona o seu nome de pía e empeza a firmar como Marguerite Yourcenar (Yourcenar é un anagrama do seu apelido). A súa primeira novela Alexis foi publicada en 1929. A súa mellor amiga nese momento, unha tradutora chamada Grace Frick, invítaa a Estados Unidos, onde dará clases de Literatura comparada na cidade de Nova York. Yourcenar e Frick faranse amantes en 1937 e seguirían xuntas ata a morte de Frick en 1979 a consecuencia dun cancro de mama.

Traduciu ao francés As ondas de Virginia Woolf, en 1937, O que Maisie sabía, de Henry James, en 1947 e a Yukio Mishima.

En 1951 publica en Francia a novela Memorias de Hadrián, na que estivo traballando durante unha década. A novela tivo un éxito inmediato e unha grande acollida por parte da crítica. Nela Yourcenar recrea a vida e morte dunha das figuras máis importantes do mundo antigo, o emperador romano Hadrián. A obra está escrita a modo de longa carta do emperador a Marco Aurelio, ao seu sucesor e fillo adoptivo. Hadrián explica o seu pasado, describindo os seus triunfos, o seu amor por Antínoo e a súa filosofía. Memorias de Hadrián foi unha novela pioneira, que tivo moita influencia na novelística histórica posterior, converténdose nunha obra mestra moderna.

Foi a primeira muller elixida membro da Academia francesa en 1980, aínda que dende 1970 xa pertencía á Academia belga. Unha das máis respectadas escritoras en lingua francesa, tras o éxito de Memorias de Hadrián, seguiu publicando novela, ensaio, poesía e tres volumes de memorias.

Yourcernar viviu a maior parte da súa vida na súa casa Petite Plaisance en Mount Desert Island no estado de Maine. A casa é agora un museo dedicado á súa memoria.

Obra editar

Le jardin des chimères (1921) poemas
Les dieux ne sont pas morts (1922) poemas
Alexis ou le traité du vain combat (1929) novela
La nouvelle Eurydice (1931)
1934 novela
Feux (1936) poema en prosa
Les songes et les sorts (1938)
Nouvelles orientales (1938)
Le coup de grâce (1939)
Memorias de Hadrián (Mémoires d'Hadrien, 1951) novela, traducida ao galego por Ánxela Gracián.
Électre ou La chute des masques (1954)
Les charités d'Alcippe (1956)
A beneficio de inventario (1962) (ensaios)
L'Œuvre au noir, Prix Femina (1968)
Recordatorios (1973) (primeira parte da triloxía familiar O labirinto do mundo)
Souvenirs pieux (1974)
Archives du Nord (1977) (segunda parte da triloxía familiar O labirinto do mundo)
Le cerveau noir de Piranèse (1979, ensaio)
Mishima ou la vision du vide (1980, ensaio)
Un homme obscur (1981)
Ana, soror (1981) ^[2]
Como a auga que flúe (1982)
Le temps, ce grand sculpteur (1983, ensaios)
Quoi? L'Éternité (1988) (terceira parte da triloxía familiar O labirinto do mundo publicada postumamente; inacabada)
Peregrina e estranxeira (1989) (recompilación póstuma de ensaios)
Conto azul (Conte bleu, 1993; traducido ao galego por María Xosé Queizán)

Notas editar

↑ Fundación Praemium Erasmianum (ed.). "Former Laureates - Praemium Erasmianum". Arquivado dende o orixinal o 03 de maio de 2019. Consultado o 9 de novembro de 2015.
↑ Traducida ao galego por G. Constenla, M.ª X. Queizán e Esther Sánchez.

Véxase tamén editar

Ligazóns externas editar

Nota da Academia francesa (en francés).
Biografía sucinta (en inglés).

[EP-prev-1] Fundación Praemium Erasmianum (ed.). "Former Laureates - Praemium Erasmianum". Arquivado dende o orixinal o 03 de maio de 2019. Consultado o 9 de novembro de 2015.

[2] Traducida ao galego por G. Constenla, M.ª X. Queizán e Esther Sánchez.

[1]

[2]