Manuel Mosquera Lequerica
Manuel Mosquera Lequerica, nado en Bilbao cara a 1846 e finado en Melide en maio de 1923, foi un avogado e político galego.
Biografía | |
---|---|
Nacemento | 1846 Bilbao, España |
Morte | maio de 1923 (76/77 anos) Melide, España |
Datos persoais | |
País de nacionalidade | España |
Actividade | |
Ocupación | avogado , político |
Lingua | Lingua castelá |
Traxectoria editar
Foi deputado provincial de Lugo polo distrito de Chantada en 1871. Militante do rexionalismo federalista da segunda metade do século dezanove, estivo afiliado ao Partido Republicano Federal de Galicia[1] e foi presidente honorario do Partido Republicano de Melide en 1884.[2] Foi detido en Lugo en setembro de 1886.[3] Conxuntamente con Aureliano Pereira e Modesto Moyrón, foi nomeado membro da comisión encargada, xunto a Moreno Barcia, da redacción do Proxecto de Constitución para o futuro Estado Galego, texto clave do federalismo en Galicia, discutido e aprobado na Asemblea de Lugo do 2 ao 7 de xullo de 1887. Foi presidente do Comité Rexionalista de Lugo en 1891,[4] e presidente do comité federal da provincia en 1897.[5] Presidiu o Congreso Agrícola Ganadero de Lugo de 1905.[6]
Redactor de El Regional, publicou en El Ciudadano un estudo sobre Giordano Bruno que provocou unha amoestación do obispado lucense,[7][8] e colaborou en La Idea Moderna. Foi membro correspondente da Real Academia Galega. Finou en Melide en maio de 1923.[9]
Notas editar
- ↑ Máiz (2006), p. 35
- ↑ La Voz de Galicia, 2-6-1884
- ↑ La Voz de Galicia, 22-9-1886, p. 3.
- ↑ Gaceta de Galicia, 24-2-1891, p. 2.
- ↑ El Liberal, 25-5-1897, p. 1.
- ↑ El Diario de Pontevedra, 16-10-1906, p. 1-2.
- ↑ La Voz de Galicia, 13-11-1889, p. 1.
- ↑ Almanaque Gallego 1927, p. 22.
- ↑ La Voz de la Verdad, 13-5-1923, p. 3.
Véxase tamén editar
Bibliografía editar
- Máiz, Ramón; Martínez Eiras, Esther (2006). "Aureliano Pereira. Escritos sobre Federalismo e Galeguismo" A Coruña: Xunta de Galicia (CIRP). ISBN 978-84-453-4302-9.