Manuel Méndez Domínguez
Manuel Méndez Domínguez, nado en Ourense o 1 de xaneiro de 1903 e finado na mesma cidade en 1999, foi un avogado e debuxante galego.
| Biografía | |
|---|---|
| Nacemento | 1 de xaneiro de 1903  Ourense, España |
| Morte | 1999 (96 anos) Ourense, España |
| Datos persoais | |
| País de nacionalidade | España |
| Actividade | |
| Ocupación | avogado , debuxante |
| Lingua | Lingua castelá |
 | |
Traxectoria editar
Fillo de José Méndez Novoa. Debuxante, foi alumno de Castelao no Instituto de Pontevedra, con que logo colaborou como ilustrador. Colaborou en Alborada, Nós, La Zarpa, Alfar e Parábola (Burgos). Amigo de Luís Amado Carballo, foi o autor de varias portadas para libros seus, como O Galo e Proel, e tamén publicou unha caricatura súa no primeiro número de Vida Céltiga. Tamén deseñou as portadas de O Cabaleiro do Sant-Grial de Ramón Cabanillas e Orto de Francisco Luís Bernárdez. Realizou dúas exposicións: no Salón de la Oliva de Vigo (decembro de 1922) e no Ateneo de Palencia (decembro de 1925). Logo da guerra abandonou a ilustración e foi decano do colexio de avogados de Ourense.
Vida persoal editar
Casou en Madrid con Rosario Esteban R. Monje en 1928.[1]
