Manuel Cordeiro Lestón
Manuel Cordeiro Lestón, nado en Vigo o 29 de febreiro de 1928 e finado na Coruña o 10 de maio de 2012, foi un futbolista galego. Xogaba de porteiro e militou durante case toda a súa carreira no Deportivo da Coruña, onde foi suplente de Juan Acuña e Otero.
| Lestón | |||
|---|---|---|---|
| Información persoal | |||
| Nome | Manuel Cordeiro Lestón | ||
| Nacemento | 29 de febreiro de 1928 | ||
| Lugar de nacemento | Vigo | ||
| Falecemento | 10 de maio de 2012 | ||
| Posición | Porteiro | ||
| Carreira xuvenil | |||
| Atlético Matamá | |||
| Carreira sénior | |||
| Anos | Equipos | Aprs | (Gls) |
| 1945–1946 | Racing de Ferrol | ||
| 1945–1946 | → Galicia | ||
| 1946–1957 | Deportivo da Coruña | 40 | (0) |
| 1948–1949 | → Orensana | 24 | (0) |
| 1953 | → Xuvenil | ||
| 1957–1959 | Espinho | ||
| 1959–1960 | Xuvenil | ||
|
Partidos e goles só en liga doméstica. [ editar datos en Wikidata ] | |||
Traxectoria editar
Comezou a xogar ao fútbol en equipos infantís vigueses, fichando anos despois polo Atlético Matamá.[1] Destinado en Ferrol para realizar o servizo militar, ingresou na Mariña e xogou nos torneos que alí se realizaban. Fichouno entón o Racing de Ferrol, que o cedeu na tempada 1945/46 ao Galicia, equipo da Terceira División, onde comezou a destacar. As súas actuacións chamaron a atención do Deportivo da Coruña, que o fichou a finais de agosto de 1946.[2]
No club coruñés foi suplente de Juan Acuña durante varias tempadas. Debutou o 24 de novembro de 1946 fronte ao Sabadell na Creu Alta, aproveitando unha lesión nun ombreiro de Acuña.[3] Xogou só 9 encontros nos seus tres primeiros anos na Coruña, e para a tempada 1949/50 foi cedido á Orensana, que militaba na Segunda División, nun intercambio polo que o tamén porteiro Pita pasou ao Deportivo.[4] No equipo adestrado por Cuqui Bienzobas foi titular durante case toda a tempada, rematando na oitava praza final.
De regreso no Deportivo, volveu ser suplente de Acuña, nos seus últimos anos deportivos, e máis tarde de Otero, trala retirada do histórico gardameta coruñés. Na tempada 1953/54 xogou uns meses cedido no Xuvenil, que lograría nesa campaña o ascenso á Segunda División. A tempada na que máis encontros xogou co Deportivo foi a 1954–55, disputando 14 partidos tras unha lesión de menisco de Otero.[5] Esa tempada produciuse unha das súas actuacións máis brillantes, o 27 de marzo de 1955 en Riazor contra o Real Madrid CF, cando lle detivo un penalti a Alfredo Di Stéfano, rematando o partido con empate (3–3).[1]
Disputou co Deportivo un total de 47 partidos oficiais en 11 tempadas. Deixou o club en 1957, fichando polo Espinho portugués, que estaba adestrado polo vedrés Alfonso Pintos, e onde coincidiu con outros futbolistas galegos como Seijas e Milucho.[6] Volveu á Coruña en 1959, e xogou unha tempada no Xuvenil antes de retirarse en 1960.
Despois de deixar o fútbol traballou en Emesa.[1] Faleceu na Coruña o 10 de maio de 2012, aos 84 anos.[7]
Notas editar
- ↑ 1,0 1,1 1,2 Guillín, Pepe. ""Lestón, el meta que le paró un penalti a Di Stéfano"" (PDF) (en castelán). Arquivado dende o orixinal (PDF) o 23 de decembro de 2011. Consultado o 24 de novembro de 2021.
- ↑ "El guardameta Lestón firmó ayer por el deportivo". La Voz de Galicia (en castelán). 1 de setembro de 1946. p. 7.
- ↑ "Accidentado encuentro el jugado en la Creus Alta entre el Deportivo y el Sabadell". La Noche (en castelán) (7976). 25 de novembro de 1946. p. 4. Consultado o 24 de novembro de 2021.
- ↑ "Mesa revuelta". El Pueblo Gallego (en castelán) (8163). 1 de setembro de 1949. p. 3. Consultado o 24 de novembro de 2021.
- ↑ "El Deportivo sin guardameta". El Progreso (en castelán) (14781). 9 de febreiro de 1955. p. 4. Consultado o 24 de novembro de 2021.
- ↑ "5 minutos de charla con Alfonso Pintos". La Voz de Galicia (en castelán). 9 de xullo de 1958. p. 8.
- ↑ "Muere Manuel Cordeiro Lestón, el portero del Deportivo que le paró un penalti a Di Stefano". La Voz de Galicia (en castelán). 10 de maio de 2012. Consultado o 24 de novembro de 2021.
Véxase tamén editar
Ligazóns externas editar
- Datos do xogador en BDFutbol (en castelán).