Manuel Álvarez Arias

Manuel Álvarez Arias, coñecido como Bailarín, nado en Casaio (Carballeda de Valdeorras) e finado en Ourense o 12 de xuño de 1943, foi un guerrilleiro antifranquista galego.

Manuel Álvarez Arias

Biografía
Nacemento	Casaio, España
Morte	12 de xuño de 1943 Ourense, España
Datos persoais
Outros nomes	Bailarín
País de nacionalidade	España
Actividade
Ocupación	membro da resistencia
Lingua	Lingua castelá
Carreira militar
Conflito	Guerra civil española

Traxectoria

Logo do golpe de Estado do 18 de xullo de 1936, no outono botouse ao monte e formou un grupo de guerrilleiros que tiña a súa base na Serra do Eixe. O 10 de xuño de 1937 asasinou unha muller de Casaio logo de facer unha denuncia na súa contra. Tras a desfeita da fronte norte en 1937 o seu grupo reforzou a súa posición coa chegada de antigos combatentes desa fronte, chegando á trintena de membros. Contrario a calquera tipo de organización, tivo enfrontamentos cos asturianos (Marcelino Fernández Villanueva) e os leoneses (Manuel Girón Bazán, Marcelino de la Parra Casas). Mantiña contactos coa oposición portuguesa e utilizaba a fronteira dese país como refuxio. O 2 de agosto de 1940 entregouse no Barco de Valdeorras á Garda Civil, comprometeuse a denunciar os seus antigos compañeiros a cambio da súa liberdade. Pero non chegou a delatalos e foi encarcerado polas autoridades. Foi xulgado e executado no cárcere de Ourense o 12 de xuño de 1943.

Véxase tamén

Bibliografía

• Máiz, Bernardo (1988). Galicia na II República e baixo o franquismo. Vigo: Xerais. ISBN 84-7507-320-4. 
• Reigosa, Carlos G. (2005). La agonía del león. Esperanza y tragedia del Maquis. Madrid: Alianza. ISBN 84-206-4322-X. 

Ligazóns externas

• Ficha en Los de la sierra