Mangalia

Mangalia
Localización
	43°49′02″N 28°34′58″L / 43.8172, 28.5828Coordenadas: 43°49′02″N 28°34′58″L / 43.8172, 28.5828
Estado	Romanía
Județ	Condado de Constanța
Capital	Mangalia (en)
Contén a división administrativa	Cap Aurora (en) ; Jupiter (en) ; Mangalia (en) ; Neptun (en) ; Olimp (en) ; Saturn (en) ; Venus (en)
Poboación
Poboación	31.950 (2021) (513,17 hab./km²)
Xeografía
Superficie	62,26 km²
Altitude	20 m
Datos históricos
Precedido por	Callatis (en)
Organización política
• Alcalde	Cristian Radu (en) (2012–)
Identificador descritivo
Código postal	905500
Fuso horario	UTC+02:00, horario estándar; UTC+03:00, horario de verán
Outro
Irmandado con	Piran ; Porto Viro (pt) ; Santa Severina (pt) ; Struga (pt) ; Greenport (en) ; Fondi (pt) ; General Toševo (pt) ; Lavrio (en) ; Balčik (pt) ; Banská Bystrica (2006–)
Páxina web	mangalia.ro

Mangalia é unha cidade portuaria situada na costa romanesa do Mar Negro, ao sueste do condado de Constanţa.

Historia editar

A colonia milesia chamada Calatis foi fundada a inicios do século V a. C durante o reinado do rei macedonio Amintas III.^[1]

A partir do século IX foi coñecida polos turcos como Pangalia, polos romaneses como Tomisovara e polos gregos como Panglicara. Foi un dos portos máis importantes da costa occidental do mar Negro.

Situación xeográfica e clima editar

Mangalia está situada a 43°49' de latitude norte e a 28°35' de lonxitude leste, cunha elevación aproximada de 10 m. Está emprazada a 44 km ao sur da cidade de Constanţa, ao sur do paralelo 44 Norte, e na mesma latitude que a cidade de Niza. Mangalia é o máis meridional centro de vacacións da costa romanesa do mar Negro.

Mangalia caracterízase por un moderado clima marítimo (cunha media anual de temperatura 11,2 °C), con calorosos veráns (a media de xullo é duns 22 °C) e invernos temperados (a media de xaneiro é de 0,2 °C).^[2]

Mangalia ocupa o segundo lugar do país, tras Băile Herculane, con medias de temperaturas invernais sobre 0 °C. A primavera chega pronto pero é fresca e o outono é longo e caloroso.

No verán, a nebulosidade é reducida (uns 25 días soleados ao mes) e a duración da luz solar é de 10-12 horas ao día.

A precipitación anual é baixa (uns 400 mm).

A brisa mariña é forte no verán. Os axentes naturais curativos da auga do mar Negro, a cal ten cloruros, sulfatos, sodio, magnesio, e é hipotónica (15,5 g de mineralización). As augas minerais da primavera son sulfurosas, cloradas, bicarbonatadas, sódicas, cálcicas, mesotermais (21-28 °C) en pártea norte da cidade, no área da praia entre Saturno e Venus, o lodo sulfuroso, rico en minerais, o cal é extraído do lameiro de turba do norte da cidade (desde hai 250 anos) e o clima mariño, rico en aerosois salinos e radiación solar que exercen un estimulante efecto no organismo.

Ten unha longa praia de area fina, desenvolvida para a aerohelioterapia e terapia de ondas, como un alto peirao cun microclima específico onde un pode beneficiarse de inhalacións de aerosois salinos con efectos terapéuticos.

Demografía editar

Poboación editar

Segundo o censo de 2011 a estrutura étnica de Mangalia era a seguinte:^[3]

Estrutura étnica (2011)
Total	Romaneses	Turcos	Tártaros	Xitanos	Lipovanos	Húngaros	Outras
33.374	30.276	1.462	1.195	165	107	72	97

Relixión editar

Relixións (2002)
Total	Ortodoxos	Musulmáns	Católicos	Pentecostais	Adventistas	Outras
40.132	36.157	3.138	400	121	49	316

Atraccións turísticas editar

A tumba escita descuberta en 1959 onde os arqueólogos desenterraron fragmentos dun papiro en grego, o primeiro documento deste tipo de Romanía.
As tumbas da necrópole da cidadela de Calatis, datan dos séculos IV ao II a.C.
As ruínas da cidadela de Calatis do século VI a.C.
A mesquita turca de Mangalia do século XVI.
O Museo Arqueolóxico, cunha rica colección de ánforas e esculturas da época helenística, fragmentos de sarcófagos de pedra etc.