Luise Rainer
Luise Rainer, nada en Düsseldorf o 12 de xaneiro de 1910 e finada en Londres o 30 de decembro de 2014,[2] foi unha actriz de cinema alemá, nacionalizada estadounidense.
Luise Rainer | |||||||
---|---|---|---|---|---|---|---|
Rainer en 1936 | |||||||
Nome completo | Luise Rainer | ||||||
Nacemento | 12 de xaneiro de 1910 | ||||||
Lugar | Düsseldorf | ||||||
Falecemento | 30 de decembro de 2014 | ||||||
Lugar | Londres | ||||||
Causa | pneumonía | ||||||
Nacionalidade | Estados Unidos[1] | ||||||
Cónxuxe(s) | Cliffor Odets (1937–40) Robert Knittel (1945–89) | ||||||
Profesión | actriz | ||||||
| |||||||
Na rede | |||||||
| |||||||
[ editar datos en Wikidata ] | |||||||
Traxectoria editar
Nada nunha familia xudía de clase alta, viviu en Hamburgo e Viena. Aos dezaseis anos comezou a actuar en teatro, estudando interpretación con Max Reinhardt pouco tempo despois.
Apareceu en varios filmes austríacos antes de ser descuberta polos buscadores de talentos da Metro-Goldwyn-Mayer en 1934. Tras mellorar o seu inglés debutou en Hollywood con Escapade, remake dun dos seus filmes que fora rexeitado por Myrna Loy.[3]
A súa seguinte película foi The Great Ziegfeld. A pesar de ter nela un papel pequeno, a súa interpretación impresionou tanto que a levou a gañar o oscar á mellor actriz protagonista. Tras este filme interveu en The Good Earth, co que tamén gañou o oscar.
Os seus seguintes filmes tiveron pouco éxito e en 1938 abandonou Hollywood. Viaxou por Europa, onde estivo axudando a nenos vítimas da Guerra Civil Española.[4]
Á volta, aínda foi chamada para algúns filmes, pero finalmente deixou a interpretación e instalouse en Londres, onde faleceu, vítima dunha pneumonía no 2014.
Filmografía editar
Ano | Filme |
---|---|
1932 | Sehnsucht 202 |
1932 | Madame hat Besuch |
1933 | Heut' kommt's drauf an |
1935 | Escapade |
1936 | The Great Ziegfeld |
1937 | The Good Earth |
1937 | The Emperor's Candlesticks |
1937 | Big City |
1938 | The Toy Wife |
1938 | The Great Waltz |
1938 | Dramatic School |
1943 | Hostages |
1997 | The Gambler |
Notas editar
- ↑ "Biography for Luise Rainer". Consultado o 5 de outubro de 2013.
- ↑ Luise Rainer, Hollywood golden era Oscar winner, dies aged 104
- ↑ "How Hollywood 'Discovered' Its Latest Foreign Star" by Dan Thomas, Laredo Morning Times, 17 November 1935 p. 13
- ↑ Ciaccia, Maria. "A victim of the 'Oscar curse'". Arquivado dende o orixinal o 06 de outubro de 2013. Consultado o 5 de outubro de 2013.
Véxase tamén editar
Ligazóns externas editar
- Luise Rainer na IMDb (en inglés).