Luis Salvador Martínez
Luis Carlos Salvador Martínez, nado en Zaragoza o 24 de agosto de 1968, é un ex xogador de fútbol aragonés, máis coñecido como Salva, que xogaba na demarcación de dianteiro centro.
Luis Salvador Martínez | |||
---|---|---|---|
Información persoal | |||
Nacemento | 24 de agosto de 1968 | ||
Lugar de nacemento | Zaragoza | ||
Altura | 166 centímetros | ||
Posición | dianteiro | ||
[ editar datos en Wikidata ] | |||
Traxectoria editar
Formouse nas categorías inferiores do Real Zaragoza, xogando no Deportivo Aragón filial do club maño co que case acada o ascenso a Segunda División na tempada 1987/88. Debutou co primeiro equipo na tempada 1988/89, o equipo rematou o curso na 5ª posición, clasificándose para a Copa da UEFA. Porén a tempada seguinte volveu competir co filial. Na tempada 1990/91 alternou o filial co primeiro equipo, case acadando o ascenso co primeiro e sálvandose do descenso co segundo.
Finalmente marchou cedido ao Celta de Vigo ao non ter continuidade en Zaragoza. Tras unha boa tempada o Celta consegue a carta de liberdade no Zaragoza e ficha en propiedade polo Celta. Ademais da liga de 1993/94 o Celta xogou a final da Copa do Rei, que perdeu precisamente ante o Real Zaragoza o 20 de abril de 1994.
A tempada seguinte fichou polo CA Osasuna acabado de ascender a Segunda División, onde militaría dous anos antes de volver a Galiza para xogar no Racing de Ferrol. Tras xogar unha tempada no CD Binéfar da Terceira División, co que acada o ascenso a Segunda División B, volve definitivamente a Galiza para xogar no Porrio Industrial CF co que tamén rematará como campión do seu grupo.
No ano 1999 retirouse do fútbol en activo, pasando ao pouco tempo a ser o Director Deportivo do Porriño Industrial.
Na tempada 2004/05 incorporouse ao organigrama das categorías inferiores do Celta de Vigo.