Luis María Argaña
Luis María Argaña, nado en Asunción o 9 de outubro de 1932 e finado na mesma o 23 de marzo de 1999, foi vicepresidente constitucional de Paraguai entre os anos 1998 e 1999, cando faleceu cribado na rúa "Diagonal Molas López" de Asunción, capital de Paraguai.
  | |
| Biografía | |
|---|---|
| Nacemento | 9 de outubro de 1932 Asunción, Paraguai |
| Morte | 23 de marzo de 1999 (66 anos) Asunción, Paraguai |
| Causa da morte | Ferida por arma de fogo |
| Cargos | |
 24.º vicepresidente da República de Paraguai | |
| Período | 15 de agosto de 1998 – 23 de marzo de 1999 |
| Antecesor | Ángel Seifart |
| Sucesor | Julio César Franco |
| Datos persoais | |
| País de nacionalidade | Paraguai |
| Educación | Universidade Nacional de Assunção (pt)  |
| Actividade | |
| Ocupación | diplomático , xuíz , avogado , político |
| Partido político | Partido Colorado |
Lista
| |
Biografía editar
Argaña formou parte do grupo político que participou na ditadura militar de Alfredo Stroessner desde 1954 en Paraguai.
Tras o golpe de estado do Xral. Andrés Rodríguez, Argaña foi ministro de Asuntos Exteriores (1989-1990).[1]
Foi presidente da Asociación Nacional Republicana (ANR) ou Partido Colorado durante os últimos anos da súa vida.
Morte editar
Na investigación xudicial realizada, determinouse que Argaña foi asasinado por un grupo armado que se desprazaba nun automóbil Fiat Tempra que interceptou o vehículo no que se trasladaban Argaña, o seu gardacostas e o seu chofer. Os asasinos obstaculizaron a rúa, detendo o vehículo de Argaña. Baixaron organizadamente e dispararon repetidamente contra o gardacostas, o chofer e contra Argaña, quen morrería por tales disparos, ademais do seu gardacostas. O chofer sobreviviría.
Desde o inicio a investigación xudicial estivo extremadamente politizada. A aparición dun testemuño falso (que sería asasinado anos despois en estrañas circunstancias) provocou dúbidas sobre as circunstancias do asasinato de Argaña.
Os seus principais opositores, os seguidores de Lino Oviedo e el mesmo, negan que Oviedo ordenara o asasinato de Argaña e consideran que todo foi unha conspiración para provocar a renuncia de Raúl Cubas Grau e a caída política de Oviedo e dos seus partidarios.
A pesar do politizado das investigacións, obtivéronse algunhas probas obxectivas, como a identificación do auto usado no asasinato, o dono orixinal do mesmo e a partir de aí identificáronse os autores materiais dos disparos, entre eles a Pablo Vera Esteche, Luis Rojas, Fidencio Vega e Reinaldo Servín; coñecido dirixente político, partidario de Oviedo. Os cruces de chamadas telefónicas, rexistradas nos seus teléfonos móbiles permitiron a súa vinculación obxectiva.
Todos xa foron condenados polo asasinato de Argaña, a excepción de Fidencio Vega, que xunto ao político Galeano Perrone, foron declarados prófugos pola xustiza paraguaia.
Non se puideron atopar probas obxectivas irrefutables sobre a autoría moral do magnicidio de Argaña, pero a participación de Servín permite orientar as sospeitas cara a Lino Oviedo segundo o fiscal da causa, Rubén Villalba; algo que rechazan os seus seguidores, quen sosteñen a súa propia teoría.
Notas editar
- ↑ Biografía de Luis María Argaña - Rulers.org (en inglés)
Véxase tamén editar
Ligazóns externas editar
- OVIEDO: "Jamás me preocupé si Argaña murió como camión viejo o en esa calle" Arquivado 12 de setembro de 2019 en Wayback Machine.
- Luis María Argaña, por Joshua Abreu (2006), en Project Paraguay. (en inglés)
| Predecesor: Ángel Seifart |
Vicepresidente da República do Paraguai 1998-1999 |
Sucesor: Julio César Franco |