Lugher

Lugher era unha rede social aberta de orixe galega feita dende cero e nun período de tres meses polo outiense Anxo Núñez Fernández.

Descrición

A rede social, que foi inaugurada o 11 de xaneiro do 2014 ás 17:00 da tarde, leva funcionando dende entón na súa beta aberta ao público. Calquera pode facer unha conta, probala e facer comentarios ao creador. Tamén existe unha aplicación Android.

A finais de 2014 contaba con máis de 700 usuarios, máis de 3.000 lughs publicados e 4.000 gostos.

A rede está dispoñible en galego coma lingua principal, aínda que hai a opción de elixir entre galego, inglés e castelán para unha tradución futura.

Lugher 2.0

O 2 de xaneiro do 2015 a conta oficial de Lugher, na súa propia rede social, anunciaba o próximo lanzamento da nova e mellorada versión, asegurando un completo lavado de cara, reconstrución do código e funcionalidades novas.

Véxase tamén

Outros artigos

• Cabozo (rede social)

Ligazóns externas

• Páxina web de Lugher (Arquivada) e blog do creador
• "Un barbancés de 14 anos pon en marcha unha nova rede social" La Voz de Galicia, 6/3/2014.
• A Revista FDS, 15/3/2014, TVG.
• "A tarde" (26´35´´) Radio Galega, 1/4/2014.
• "Lugher, la red social de un adolescente gallego" Arquivado 07 de xaneiro de 2015 en Wayback Machine. El Correo Gallego, 2/4/2014.