Luís Rodríguez Seoane
Luís Isidoro Rodríguez Seoane, nado en Pontevedra o 5 de abril de 1836 e finado en Santiago de Compostela o 12 de agosto de 1902, foi un médico e político galego.
Biografía | |
---|---|
Nacemento | 5 de abril de 1836 Pontevedra, España |
Morte | 12 de agosto de 1902 (66 anos) Santiago de Compostela, España |
Senador de España | |
Q39558956 | |
Civil governor of Cáceres (en) | |
Gobernador civil | |
Catedrático de universidade | |
Datos persoais | |
País de nacionalidade | España |
Actividade | |
Ocupación | político , médico |
Lingua | Lingua castelá |
Familia | |
Irmáns | José Rodríguez Seoane |
Traxectoria editar
Fillo de Luís Rodríguez Garea, era doutor en Medicina pola Universidade de Madrid. Pertenceu ao Partido Moderado, foi un dos organizadores do Banquete de Conxo, onde leu un dos brindes[1], e formou parte da xunta revolucionaria de 1868 de Pontevedra. Foi deputado nas Cortes pola circunscrición de Pontevedra (1869-1871), polos distritos de Ponte Caldelas (1871-1872) e da Cañiza (1881-1884) e senador pola provincia de Pontevedra (1886-1887) e A Coruña (1899-1900). Foi presidente da Real Sociedade Económica de Amigos do País de Santiago (1885-1886). En 1871 foi nomeado gobernador civil de Cáceres e director xeral de Aduanas e en 1888 gobernador de Asturias. Foi un dos fundadores do semanario pontevedrés El País (1857) e colaborou en El Buscapié, El Siglo Médico, La Perseverancia, Revista de Galicia e Faro de Vigo, e cultivou a poesía en galego e castelán.
Obras editar
Sobre Medicina editar
- Los nuevos tratamientos curativos de las enfermedades sifilíticas, 1878
- Lecciones de terapéutica. Materia médica y arte de recetar, 1880
- Varela de Montes y la Escuela Médica de Santiago, 1880
Poesía editar
- Mis ideales. Poesías, 1902.
Vida persoal editar
Era irmán de José Rodríguez Seoane.
Notas editar
- ↑ Villar, Carmen "Aparece el tercer "Brindis" del Banquete de Conxo de 1856, que se creía perdido" Faro de Vigo, 4/1/2017 (en castelán).
Véxase tamén editar
Wikimedia Commons ten máis contidos multimedia na categoría: Luís Rodríguez Seoane |
Bibliografía editar
- Dicionario biográfico de Galicia. Ir Indo Edicións. 2010-2011.
- Gran Enciclopedia Galega (DVD). El Progreso. 2005. ISBN 84-87804-88-8.
- Couceiro Freijomil, Antonio (1951-53). Diccionario bio-bibliográfico de escritores (en castelán). Bibliófilos Gallegos.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.
Outros artigos editar
Ligazóns externas editar
- Ficha no Congreso dos DeputadosArquivado 12 de setembro de 2019 en Wayback Machine.
- Ficha no Senado
- "Luís Rodríguez Seoane". Álbum da Ciencia do Consello da Cultura Galega.