Lobo posterior (cerebelo)

O lobo posterior ou lóbulo posterior é un dos tres lobos do cerebelo. Sitúase por diante da fisura prima e abrangue parte da cara anterior e parte da cara superior.

Lobo posterior
Representación esquemática cos lobos do cerebelo.
Gray's	pág.791

Subdivisións

O lobo posterior do cerebelo subdivídese en:

• Declive, que descende desde o culmen cara a atrás e se asocia lateralmente ao lobuliño simple ou porción inferoposterior do lobuliño cuadrangular.
• Folium ou folla do vermis, que é unha estreita lámina de unión entre os lobuliños semilunares superiores (ou anseriformes; esquerdo e dereito.
• Túber ou tubérculo do vermis, que se asocia lateralmente aos lobuliños semilunares inferiores e aos lobuliños gráciles (delgados ou paramedianos; e se sitúa xusto por debaixo da fisura horizontal que o separa do folium.
• Pirámide do vermis, que se sitúa por diante do túber e se asocia cos lobuliños digástricos esquerdo e dereito. A fisura que a separa do túber chámase prepiramidal e a que a separa da úvula chámase pospiramidal ou secundaria.
• Úvula do vermis, que se encontra entre as dúas amigdalas cerebelosas xusto por encima da pirámide.

Véxase tamén

Outros artigos

• Cerebelo
• Lobo (anatomía)