Liesel Pritzker

Liesel Pritzker
	; (2019)
Biografía
Nacemento	(en) Liesel Anne Pritzker ; 14 de marzo de 1984 (40 anos); Chicago, Estados Unidos de América
Datos persoais
Residencia	Gran Boston
País de nacionalidade	Estados Unidos de América
Educación	Universidade de Columbia
Actividade
Ocupación	actriz de teatro , actriz de cinema
Período de actividade	1994 -
Participou en
	Global Conference 2022 (en)
Familia
Pai	Robert Pritzker (en)
Irmáns	Matthew Pritzker (en) , Jennifer Pritzker (pt) , Karen Pritzker (en) e Linda Pritzker (pt)

Liesel Anne Pritzker nada o 14 de marzo de 1984 en Chicago, Illinois, é unha actriz estadounidense e herdeira da fortuna de Hyatt Hotels. Emprega o nome artístico de Liesel Matthews e é recoñecida por interpretar o papel de Sara Crewe en A princesiña, unha adaptación cinematográfica de 1995 do clásico de Frances Hodgson Burnett, e fixo da filla do presidente dos Estados Unidos no filme Air Force One.

Traxectoria editar

Para os seus papeis no escenario e na pantalla, Liesel Pritzker emprega o nome artístico de "Liesel Matthews" por dous motivos. O primeiro, na honra ó seu irmán Matthew e en segundo lugar, para evitar conflitos entre os seus pais divorciados sobre se debe incorporar o nome do seu padrastro e se coñecería como Liesel Pritzker-Bagley.

Pritzker fixo o seu debut profesional como Scout nunha produción de To Kill A Mockingbird en Chicago. Ela tamén participou na obra teatral Vincent in Brixton, e gañou un Theatre World Award pola súa actuación.

Vida persoal editar

Familia editar

Liesel Anne Pritzker naceu no seo da rica familia Pritzker, de orixe xudía de Ucraína por parte do seu pai. Os seus pais son Irene (Dryburgh de solteira) e Robert Pritzker. É unha dos doce netos do patriarca Abram Nicholas Pritzker, financeiro e industrial que morreu en 1986. O seu tío, Jay Pritzker é o fundador da rede de hoteis Hyatt Hotel e propietario das aeroliñas Braniff dende 1983 ata 1988.

A familia controla o TransUnion e a Royal Caribbean Cruise Lines. Os Pritzker estiveron nos postos máis altos da revista Forbes como unha das familias máis ricas dos Estados Unidos.

Educación editar

Pritzker graduouse na New Trier High School de Chicago e matriculouse na Universidade de Columbia. Actualmente estuda no instituto culinario francés en Nova York.

Demandas editar

No 2002, durante os seus estudos na Universidade de Columbia, presentou unha demanda de seis mil millóns de dólares contra o seu pai e 11 curmáns maiores alegando que se apropiaran indebidamente dos cartos dos fideicomisos establecidos para ela e o seu irmán Matthew Pritzker. A comezos do 2005, as partes estableceron a demanda que conduciu á fortuna da familia a unha división en 11 partes, polo que 10 Pritzkers máis se uniron á lista da revista Forbes. Segundo o acordo, Liesel e Matthew recibiron 280 millóns de dólares en efectivo e se lles deu un maior control sobre outros fondos por valor de 170 millóns de dólares a cada un.

Novos Embaixadores para a Oportunidade editar

Liesel Pritzker é a fundadora de Novos Embaixadores para a Oportunidade, unha rede de profesionais que teñen como obxectivo inspirar, educar e involucrar a outros nas micro-finanzas e o traballo na Oportunidade Internacional. En xuño de 2009, doou 4 millóns de dólares para axudar a ampliar os servizos de micro-finanzas en África.

Filmografía editar

Ano	Título	Papel	Notas
1995	A princesiña	Sara Crewe	Gañou un premio como artista infantil
1997	Air Force One	Alice Marshall	Nomeamento por mellor actuación feminina
2000	Blast	Jessie 'Ears'