Li Da
Li Da (chinés tradicional: 李達; chinés simplificado: 李达; pinyin: Lǐ Dá), nado en Yongzhou o 2 de outubro do 1890 e finado en Wuhan o 24 de agosto do 1966, foi un filósofo marxista chinés.[1][2]
 | |
| Biografía | |
|---|---|
| Nacemento | 2 de outubro do 1890 Yongzhou, Hunan |
| Morte | 24 de agosto do 1966 Wuhan, Hubei |
| Lugar de sepultura | Babaoshan Revolutionary Cemetery (en)   |
| Head of the Central Propaganda Department of the Chinese Communist Party (en) | |
| | |
| Datos persoais | |
| País de nacionalidade | Chinesa |
| Grupo étnico | Han |
| Educación | Hunan University (en) |
| Actividade | |
| Campo de traballo | Marxismo, philosophy and politics (en) , economics and politics (en) , socioloxía e dereito |
| Ocupación | Filósofo, escritor |
| Período de actividade | Século XX |
| Empregador | Universidade Jinan Sun Yat-sen University (en) |
| Partido político | Partido Comunista de China |
| Membro de | |
| Movemento | Marxismo |
| Lingua | Chinés |
| Obra | |
Obras destacables Shehuixue dagang 社会学大纲 (1937) | |
| Familia | |
| Cónxuxe | Wang Huiwu |
| Fillos | Li Xintian (en) |
Traxectoria editar
Li Da foi director do Departamento de Publicidade do Partido Comunista da China, do que foi fundador en xullo do 1921.[1][2] En setembro dese mesmo ano, creou a Editorial do Pobo, primeira editora do partido.[2] Li abandonou o partido no 1923, xa que consideraba a cooperación co Kuomintang como un xiro cara ao reformismo.[2] Con todo, seguiu a manter relacións próximas con membros do partido.
Li traduciu numersosas obras do marxismo europeo ao chinés. O seu libro máis importante foi Shehuixue dagang 社会学大纲 ("Rudimentos de socioloxía", 1937), que influíu no pensamento de Mao Zedong. Li contribuiu a popularizar a Nova Filosofía en China, unha corrente que tivo gran relevancia na Unión Soviética durante a década dos 30.[3]
Tras a constitución da República Popular da China no 1949, Li volveu ao partido. Foi presidente da Universidade de Hunan entre o 1949 e o 1953, e da Universidade de Wuhan entre o 1952 e o 1966. Non obstante, foi moi criticado e, incluso, linchado ao comezo da Revolución Cultural. Faleceu no 1966, e non sería rehabilitado até a morte de Mao.
Vida persoal editar
Li estivo casado con Wang Huiwi, coa que tivo tres fillos. A súa filla máis vella, Li Xintian, morreu dunha enfermidade durante a segunda guerra sino-xaponesa. Tiveron outros dous fillos: unha rapaza, Li Xinyi, e mais un rapaz, Li Xintian, un dos introdutores da psicoloxía médica na China.[4]
Notas editar
- ↑ 1,0 1,1 "李达：党的一大会议召集人--党史频道--人民网". dangshi.people.com.cn. Consultado o 2024-01-25.
- ↑ 2,0 2,1 2,2 2,3 "李达 - 搜狗百科". baike.sogou.com. Consultado o 2024-01-25.
- ↑ Knight, Nick (2019-06-17). Li Da And Marxist Philosophy In China. New York: Routledge. ISBN 978-0-429-49923-4. doi:10.4324/9780429499234/li-da-marxist-philosophy-china-nick-knight.
- ↑ "著名心理学家李心天逝世，系中国共产党早期领导人李达之子_中国政库_澎湃新闻-The Paper". www.thepaper.cn. Consultado o 2024-01-25.