Leliano
Ulpius Cornelius Laelianus, tamén chamado Leliano foi un usurpador romano contra Póstumo, emperador da Galia.
  | |
| Nome orixinal | (la) Ulpius Cornelius Laelianus |
|---|---|
| Biografía | |
| Nacemento | século III |
| Morte | 269 (Gregoriano) Maguncia |
| Causa da morte | Homicidio |
| Datos persoais | |
| País de nacionalidade | Roma Antiga |
| Actividade | |
| Ocupación | político |
| Período de tempo | Alto Imperio Romano |
Lista
| |
Traxectoria editar
Sendo emperador do Imperium Gallicus, Póstumo, fundador do mesmo logo de rebelarse contra Roma e contra o seu emperador Galieno, chega a un acordo no ano 268 para se dividir as zonas de control. No ano 269, Caius Ulpius Cornelius Lelianus, ou Leliano, trata de usurpar o trono e rebélase contra Póstumo. Este dirixe os seus exércitos contra o seu antigo comandante, quen se refuxiara en Maguncia. Póstumo pon sitio a cidade e tómaa pouco despois, matando a Leliano, pero atopando tamén a morte el e mais o seu fillo logo de que lle prohibisen ás súas tropas a pillaxe da cidade.
Leliano pasou á historia pola súa bravura e valentía nas loitas contra os bárbaros e foi un destacado militar que construíu a maior parte das fortalezas ao longo do río Rin, e que lle permitiron a Póstumo afastar as tribos xermánicas da Galia e da Xermania Inferior e consolidar o seu Imperio ata á súa morte.