Last Days
Last Days é unha filme do director Gus Van Sant. É un relato ficticio dos últimos días do cantante de Nirvana Kurt Cobain. Foi exhibido nos teatros de Estados Unidos o 22 de xuño de 2005 e producido por HBO. O actor Michael Pitt interpreta o personaxe protagonista. Ademais, a película conta con aparicións de Kim Gordon (de Sonic Youth e coñecida de Cobain), Lukas Haas, Asia Argento, e Thadeus A. Thomas. Tamén, o autor e amigo de Van Sant, Harmony Korine, aparece nunha breve escena, facendo un papel similar ao de na película Kids.
| Last Days | |
|---|---|
| Ficha técnica | |
| Título orixinal | Last Days |
| Director | Gus Van Sant |
| Produtor | Gus Van Sant Dany Wolf |
| Guión | Gus Van Sant |
| Intérpretes | Michael Pitt Lukas Haas Asia Argento Scott Green Nicole Vicius Kim Gordon Harmony Korine |
| Música | Rodrigo Lopresti |
| Fotografía | Harris Savides |
| Montaxe | Gus Van Sant |
| Distribuidora | Newco, Fine Line Features |
| Estrea | 2005 |
| Duración | 97 min. |
| Orixe | Estados Unidos |
| Xénero | Drama |
| Na rede | |
| http://www.lastdaysmovie.com | |
           | |
Last Days é a terceira película do que o director chamou a súa "Triloxía da morte", que empezou con Gerry (2002) e continuou con Elephant (2003).
Proxecto editar
Van Sant xa tiña pensado facer este proxecto dez anos anos, aínda que as ideas iniciais variarían por temor a demandas da viúva Cobain, Courtney Love, saíndo ao final un filme cuxo parecido á realidade é casualidade. A actriz Asia Argento, que interpretaba á muller do protagonista dixo que "non fixera de Courtney Love""[1].
Música editar
Last Days posúe dúas composicións do actor principal Michael Pitt: unha canción acústica titulada "Death to Birth", un tema eléctrico chamado "That Day". Hai outra peza, "Untitled", de Lukas Haas. Nunha escena o personaxe de Scott escoita "Venus in Furs" de Velvet Underground.
Localización da rodaxe editar
A película foi rodada en Hudson Valley, rexión do Estado de Nova York. Un tratamento feito polo cinematógrafo Harris Savides escurece a imaxe e fai recordar a atmosfera da rexión noroeste dos Estados Unidos.
Notas editar
- ↑ Asia Argento Denies Last Days Role Is Based On Courtney Love FemaleFirst.co.uk
Véxase tamén editar
Ligazóns externas editar
- Páxina oficial en castelán Arquivado 27 de xaneiro de 2010 en Wayback Machine.
- Páxina oficial