La Teixonera

La Teixonera é un barrio do distrito de Horta-Guinardó de Barcelona, situado na parte alta da cidade. Delimita cos barrios de El Carmel, La Clota, La Vall d'Hebron e Sant Genís dels Agudells do distrito de Horta-Guinardó, así como cos de El Coll e Vallcarca i els Penitents do distrito de Gràcia.

La Teixonera

Nomeado en referencia a	Joaquim Taxonera i Cassà (en)
Localización
41°25′23″N 2°08′45″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	Barcelona
Distrito	Horta, Barcelona
Poboación
Poboación	12.044 (2021) (35.423,53 hab./km²)
Xeografía
Superficie	0,34 km²

Historia

O nome do barrio provén de Joaquim Taxonera i Cassà (Arenys de Mar, 1858 - Barcelona 1934), un fabricante de calzado, propietario das terras da antiga leira de Can Grau, que parcelou para a súa posterior urbanización, segundo un proxecto de 1902. O barrio formouse entre 1915 e 1930, sendo coñecido como Colònia Taxonera.

Ao longo do século XX La Teixonera, como El Carmel e outros barrios da zona, foi centro dunha intensa inmigración do resto do estado, padecendo unha certa carencia de servizos básicos que non foi emendada ata os anos 80-90.

O 5 de novembro de 2011 apareceu unha gran focha duns 20 m² por mor das continuas choivas en Barcelona, que obrigou aos bombeiros a desaloxar un edificio situado no número 4 da praza de Isop.