Kubuntu

Kubuntu é unha derivación oficial do sistema operativo Ubuntu, pero con KDE como contorno de escritorio.

Kubuntu
Desenvolvedor	Canonical Ltd.
Familia de S.O.	Linux
Lanzamento	8 de abril de 2005
Modelo de desenvolvemento	Software libre
Núcleo	Linux
Tipo de núcleo	Monolítico
Última versión estable	22.04 (Jammy Jellyfish) 21 de abril de 2022
Estado actual	En desenvolvemento
Sitio web	www.kubuntu.org

Kubuntu904.PNG

Tal como se explica no sitio web de Kubuntu na wiki de Ubuntu: "O proxecto Kubuntu quere ser para KDE o que Ubuntu é para GNOME: Un sistema operativo integrado con tódalas características de Ubuntu, pero baseado no entorno de escritorio KDE. As novas versións de Kubuntu saen de maneira regular e predecible; faise unha nova versión cada vez que sae unha actualización de KDE".

Tódolos paquetes comparten os mesmos arquivos que Ubuntu.

Existen liveCD e CD de instalación para plataformas X86, PowerPC e AMD64. Tamén hai versións diarias dos CD.

Historia

Para poder centrarse en solucionar rapidamente os erros, conflitos de paquetes etc. decidiuse en Ubuntu eliminar certos paquetes do compoñente main, ben por non seren populares ben escollidos de forma arbitraria por gusto ou polas súas bases de apoio ao software libre.

Por tales motivos inicialmente KDE non contaba con máis soporte do que entregaban os mantedores de Debian nos seus repositorios, razón pola que a comunidade de KDE uniuse para distribuír a distro coñecida co nome de Kubuntu.

Lanzamentos

Cada lanzamento ten un nome en código composto por un adxectivo e o nome dun animal que comezan pola mesma letra e un número de versión baseado no ano e mes en que se remata (normalmente, cada seis meses):

Versión	Data do lanzamento	Nome en código
4.10	20 de outubro de 2004	Warty Warthog
5.04	8 de abril de 2005	Hoary Hedgehog
5.10	13 de outubro de 2005	Breezy Badger
6.06 LTS	1 de xuño de 2006	Dapper Drake
6.10	26 de outubro de 2006	Edgy Eft
7.04	19 de abril de 2007	Feisty Fawn

Véxase tamén

Ligazóns externas

• Sitio web oficial de Kubuntu, en inglés.
• Guía do escritorio Kubuntu
• Páxina non oficial de Kubuntu en español
• Páxina de Kubuntu no wiki de Ubuntu