Kattegat

O Kattegat, ou Kattegatt, é unha baía do Mar do Norte (continuación do estreito de Skagerrak) bordeada por Dinamarca e Suecia. O Mar Báltico emboca no Kattegat a través de Öresund e do Gran Belt, entre outros estreitos dinamarqueses.

Kattegat
Localización administrativa
Estado	Dinamarca Suecia
División	Rexións: Xutlandia Setentrional, Xutlandia Central, Selandia e Capital (DIN) Condados de Halland e Escania (SUE)
Localización xeográfica
Océano / Mar	Mar Báltico - Skagerrak (mar do Norte)
Continente	Europa
Illa/s	Selandia e Samsø
Xeografía
Subdivisións	Baías de Albaek, Alborg e Hessele (DIN) Skalderviken (SUE)
Illas interiores	Anholt e Læsø
Afluentes	Gudenå (176 km) (DIN) Göta (en Gotemburgo, 750 km) e Lagan (244 km), Nissan (200 km), Atran (240 km) e Viskan (140 km) (Halland) (SUE)
Cidades ribeiregas	Skagen e Frederikshavn (DIN) Goteborg, Kungsbacka, Varberg, Falkenberg, Halmstad, Bastad, Angelholm, Höganas (SUE)
Características
Superficie	22.000 km²
Lonxitude máxima	220 km (N-S)
Mapa
O estreito de Kattegatt coma continuación do Skagerrak
Localización de Kattegat

Os ríos que verten as súas augas no Kattegat son o Göta en Gotemburgo, xunto co Lagan, Nissan, Ätran e Viskan na provincia sueca de Halland; e o río Gudenå en Xutlandia, do lado dinamarqués.

As principais illas do Kattegat son Samsø, Læsø e Anholt, sendo coñecidas as dúas últimas como "o cinto desértico danés", debido ó seu clima seco.

O nome de Kattegat deriva das palabras holandesa e baixo saxoa Kat (gato) e Gat (burato). Isto fai referencia á navegación medieval, cando os navegantes dicían desta zona que era "tan estreita como o buraco dun gato", xa que había tantos barcos no mar que facían difícil de máis a navegación.