Katsuhiro Otomo
Katsuhiro Ōtomo (en caracteres xaponeses 大友 克洋), nado na prefectura de Miyagi o 14 de abril de 1954, é un historietista, autor de banda deseñada e director de cinema xaponés.
.jpg)  | |
| Nome orixinal | (ja) 大友克洋 |
|---|---|
| Biografía | |
| Nacemento | 14 de abril de 1954 (70 anos) Tome, Xapón |
| Datos persoais | |
| País de nacionalidade | Xapón |
| Educación | Miyagi Prefectural Sanuma Senior High School (en)  |
| Actividade | |
| Campo de traballo | Mangaka, dirección de cine, historieta e Manga |
| Ocupación | guionista , escritor , ilustrador , Mangaka , director de cinema , animador , realizador |
| Xénero artístico | Manga |
| Lingua | Lingua xaponesa |
| Obra | |
Obras destacables
| |
Premios
| |
    | |
Traxectoria editar
Ten gran consideración tanto en occidente como en oriente. Foi un dos primeiros autores de banda deseñada xaponesa en publicar en occidente. Domu (editada en España como Pesadillas por Norma Editorial) e AKIRA son obras que abriron o mundo da BD en Europa ás producións e sensibilidade xaponesas. As carecterísticas principais da maioría do seu traballo son a procura dun realismo e temáticas adultas tanto no visual como no argumental. Foi un dos autores clave na BD xaponesa dos oitenta, ao axudar a criar un estilo realista propiamente xaponés e a abrir o mercado xaponés ás innovacións e experimentacións visuais da BD francesa e tamén á inversa, levando a occidente o estilo narrativo e visual oriental.
Domu 童夢 (Pesadelos) editar
Despois de diferentes relatos curtos e algunha serie inacabada (Fierball), debuxou Domu, unha historia de ciencia ficción na que xoga co sobrenatural e os soños infantís. Tivo un grande éxito e gañou o premio literario SF Grand Prix. Isto levantou críticas, xa que nunca este premio fora outorgado a unha BD anteriormente. Nesta obra xa se ve máis claramente o estilo que mostrará na súa obra máis coñecida: AKIRA.
AKIRA editar
Considerado por moitos a súa obra mestra, naceu como BD en 1981, na revista Young Magazine. É unha historia de ciencia ficción futurista de tipo ciberpunk. Conta a historia de Kaneda e o seu amigo Tetsuo que adquire estraños poderes despois duns experimentos militares. A historia, chea de acción e narrada dunha forma maxistral e innovadora foi un éxito internacional e levou a banda deseñada xaponesa á atención dos países occidentais, nos que daquela se tiña unha idea vaga sobre a banda deseñada xaponesa. Os fondos feitos cun detalle poucas veces visto na bd daba unha ambientación profunda e fascinante que os autores europeos e americanos admiraron.
A forza visual da obra, a boa construción da trama e a interesante visión do futuro fan de AKIRA unha obra capital para entender a ciencia ficción dentro da banda deseñada.
Grazas ao éxito da obra fíxose unha adaptación cinematográfica de animación da obra, dirixida polo propio Katsuhiro Otomo. Cun orzamento espectacular para unha produción non xaponesa e unha estética completamente nova conseguiu un éxito internacional importante e está considerada filme de culto dentro da animación.
Obra editar
Historietística editar
- The Gun Report (1973).
- Memorias
- Highway Star (1975-1978)
- Fireball (1979)
- Pesadillas (Domu, 童夢) (1980)
- Sayonara Nippon
- Short Peace
- Akira (アキラ)
- Legend of Mother Sarah, só como guionista. Debuxos de Takumi Nagayashu.