Karl Michahelles

Karl Georg Christian Wilhelm Michahelles, nado o 5 de maio de 1807 en Núremberg, e finado o 15 de agosto de 1834 en Nauplia, Grecia, foi un médico e zoólogo alemán, especializado en ornitoloxía e herpetoloxía.

Karl Michahelles

Biografía
Nacemento	1807 Núremberg
Morte	1834 (26/27 anos) Náuplia, Grecia (pt)
Datos persoais
País de nacionalidade	Reino de Baviera
Educación	Universidade de Múnic
Actividade
Ocupación	ornitólogo , médico , coleccionista de animais , zoólogo , herpetólogo
Obra
Abreviatura do autor en zooloxía	Michahelles

Traxectoria

Desde 1827 estudou medicina na Universidade de Múnic, onde coñeceu ao naturalista Lorenz Oken.

En 1831 recibiu o seu doutoramento en Medicina e Cirurxía coa tese "Das Malo Di Scarlievo in Historischer Und Pathologischer Hinsicht".

Michahelles viaxou moito a Dalmacia, Iliria e Croacia e contribuíu de forma moi importante ao coñecemento da fauna aviaria destas rexións.

Entre as especies mediterráneas que identificou, pódense citar a Sitta neumayer, especie de paseriforme da familia dos sítidos e o urodelo Pleurodeles waltl, da familia dos salamándridos.

Faleceu a causa dunha disentería, á idade de 27 anos, en Nauplia, Grecia, cidade onde practicou a medicina e estudou a vida salvaxe.

Algunhas publicacións

• Ueber einige dalmatinische Vertebraten. En: Isis, 1830. p. 809—820.
• Neue südeuropäische Amphibien. En: Isis von Oken, XXIII, Leipzig 1830, pp. 189–195, pp. 806–809.

Especie dedicada

Unha especie de gaivota, Larus michahellis foille dedicada en 1840 por Johann Friedrich Naumann.

Abreviatura

A abreviatura Michaelles emprégase para recoñecer a Karl Michahelles como autoridade na descrición e taxonomía en zooloxía.