Kama Sutra

O Kama Sutra é un antigo texto indio sobre sexo, a pesar do seu carácter erótico pertence á literatura relixiosa sánscrita. O texto escribiuno Vatsyayana. O texto completo do título é Vātsyāyana kāma sūtra (Aforismos do amor carnal, de Vatsyayana). Crese que o autor viviu entre o século I e o VI, probablemente durante o período Gupta. Profusamente ilustrado, o libro dá consellos sobre as relacións heterosexuais entre un home e unha muller e describe posturas sexuais. O libro coñeceuse en Occidente logo da tradución de Richard Francis Burton en 1883.

Contido editar

O Kama Sutra de Vatsyayana ten 1.250 versos, distribuído en 36 capítulos. Segundo as traducións de Burton^[1] e Doniger^[2]^[3], os contidos do libro están estruturados en sete partes:

Observacións xerais: Cinco capítulos do libro, tres obxectivos e prioridades da vida, a adquisición de coñecemento, a conduta do cidadán ben educado e reflexións sobre intermediarios que axudan o amante nas súas iniciativas;
Avances amorosos/Unión sexual: Dez capítulos sobre a estimulación do desexo, tipos de abrazos, caricias e bicos, rabuñar coas uñas, morder e rabuñar cos dentes, sobre (posicións) de copulación, dar labazadas e xemidos, coomportamento viril en mulleres,coito superior e sexo oral, preludios e conclusións ao xogo do amor. Describe 64 tipos de actos sexuais;
Conseguir unha esposa: Cinco capítulos sobre formas de matrimonio, relaxar á moza, conseguir a moza, xestionarse só e a unión por matrimonio;
Deberes e privilexios da esposa: Dous capítulos sobre a conduta da esposa única e da esposa xefe e outras esposas;
Outras mulleres dos homes: Seis capítulos sobre o comportamentos da muller e o home, como familiarizarse, exame de sentimentos, a tarefa de mediador, os praceres do rei, comportamento nos cuartos das mulleres;
Sobre cortesás: Seis capítulos de consellos sobre os asistentes escollidos polos amantes, buscar un amante estable, maneiras de gañar diñeiro, renovar a amizade cun antigo amante, beneficios ocasionais, beneficios e perdas;
Prácticas ocultas: Dous capítulos sobre mellorar a atracción física, espertar un poder sexual débil.

Notas editar

↑ Vatsyayana (1883). The Kama Sutra of Vatsyayana.Translated From The Sanscrit In Seven Parts With Preface Introduction and Concluding Remarks (Copia dixital.EBook #27827). Richard Burton, Bhagavanlal Indrajit,Shivaram Parashuram Bhide (trads.). Kama Shastra Society of London and Benares. Consultado o 14 de marzo de 2019.
↑ Tradución de Doniger en Google Books. Consultado o 14 de marzo de 2019
↑ Vātsyāyana; Doniger, Wendy (tr.); Kakar, Sudhir (tr.) (2009). Kamasutra: a new, complete English translation of the Sanskrit text : with excerpts from the Sanskrit Jayamangala commentary of Yashodhara Indrapada, the Hindi Jaya commentary of Devadatta Shastri, and explanatory notes by the translators. Oxford: Oxford University Press. ISBN 9780192839824. OCLC 51913817.

[1] Vatsyayana (1883). The Kama Sutra of Vatsyayana.Translated From The Sanscrit In Seven Parts With Preface Introduction and Concluding Remarks (Copia dixital.EBook #27827). Richard Burton, Bhagavanlal Indrajit,Shivaram Parashuram Bhide (trads.). Kama Shastra Society of London and Benares. Consultado o 14 de marzo de 2019.

[2] Tradución de Doniger en Google Books. Consultado o 14 de marzo de 2019

[3] Vātsyāyana; Doniger, Wendy (tr.); Kakar, Sudhir (tr.) (2009). Kamasutra: a new, complete English translation of the Sanskrit text : with excerpts from the Sanskrit Jayamangala commentary of Yashodhara Indrapada, the Hindi Jaya commentary of Devadatta Shastri, and explanatory notes by the translators. Oxford: Oxford University Press. ISBN 9780192839824. OCLC 51913817.

[1]

[2]

[3]