Just Like Heaven (filme)
Just Like Heaven é un filme estadounidense de 2005 dirixido por Mark Waters. Está protagonizado por Reese Witherspoon, Mark Ruffalo e Jon Heder. Baséase na novela francesa de 1999 Et si c'était vrai... de Marc Levy. Steven Spielberg obtivo os dereitos para producir o filme a partir do libro.[1] Estreouse nos cinemas dos Estados Unidos o 16 de setembro de 2005. Recibiu valoracións dispares por parte da crítica e recadou 102 millóns de dólares.
| Just Like Heaven | |
|---|---|
| Ficha técnica | |
| Título orixinal | Just Like Heaven |
| Director | Mark Waters |
| Produtor | Walter F. Parkes Laurie MacDonald |
| Guión | Peter Tolan Leslie Dixon |
| Baseado en | Et si c'était vrai... de Marc Levy |
| Intérpretes | Reese Witherspoon Mark Ruffalo |
| Música | Rolfe Kent |
| Fotografía | Daryn Okada |
| Montaxe | Bruce Green |
| Estudio | Parkes/MacDonald Productions |
| Distribuidora | DreamWorks Pictures |
| Estrea | 16 de setembro de 2005 |
| Duración | 95 minutos |
| Orixe |  Estados Unidos |
| Xénero | Comedia romántica |
| Orzamento | 58 millóns de dólares |
| Recadación | 102,9 millóns de dólares |
| Na rede | |
| http://www.justlikeheaven-themovie.com | |
           | |
Sinopse editar
Elizabeth Masterson (Reese Witherspoon) é unha doutora dedicada ao seu traballo. Cando a súa irmá, que ten dúas fillas, lle consegue unha cita, Elizabeth ten un accidente automobilístico. Mentres tanto, un arquitecto paisaxista chamado David Abbott (Mark Ruffalo) múdase a San Francisco ao antigo apartamento de Elizabeth. Cando David está no apartamento, o espírito de Elizabeth acósao. Ela non lembra quen é, cal é a súa familia nin a que se dedicaba. Só lembra que ese é o seu apartamento e o lugar no que estaban as súas cousas. David acepta descubrir quen era Elizabeth, e segundo vai descubrindo cousas sobre ela, os dous comezan a namorarse.
Personaxes editar
- Reese Witherspoon como Elizabeth
- Mark Ruffalo como David
- Donal Logue como Jack
- Dina Waters como Abby
- Ben Shenkman como Brett
- Ivana Miličević como Katrina
- Caroline Aaron como Grace
- Rosalind Chao como Fran
- Ron Canada como Walsh
- Willie Garson como Maitre D'
- Jon Heder como Darryl
Acollida editar
Recadación editar
Just like Heaven recadou 48,3 millóns de dólares nos Estados Unidos e o Canadá, e outros 54,5 millóns máis noutros territorios, conseguindo un total internacionalmente de 102,9 millóns sobre un orzamento de 58 millóns.[2]
Notas editar
- ↑ "If Only It Were True (Et si c'était vrai #1)". Goodreads Inc.
- ↑ "Just Like Heaven (2005) en BoxOfficeMojo". boxofficemojo.com. Consultado o 2023-01-25.