Juanita Castro
Juana de la Caridad "Juanita" Castro Ruz, nada en Birán (provincia de Holguín) o 6 de maio de 1933, é unha activista cubana, irmá de Fidel e Raúl Castro, ámbolos dous presidentes de Cuba. Despois de colaborar coa Axencia de Intelixencia Central en Cuba, viviu nos Estados Unidos dende 1964.
| Biografía | |
|---|---|
| Nacemento | (es) Juana de la Caridad Castro Ruz  6 de maio de 1933 Birán (República de Cuba) |
| Morte | 4 de decembro de 2023 (90 anos) Miami, Estados Unidos de América |
| Datos persoais | |
| Outros nomes | Juanita Castro Ruz |
| País de nacionalidade | Estados Unidos de América (1984–) Cuba |
| Actividade | |
| Ocupación | empresaria , Disidencia |
| Empregador | Central Intelligence Agency |
| Membro de | |
| Lingua | Lingua castelá |
Familia | |
| Pais | Ángel Castro Arguíz e Lina Ruz González |
| Irmáns | Ramón Castro, Fidel Castro, Raúl Castro e Emma Castro |
 | |
Traxectoria editar
Naceu preto de Mayarí, a cuarta filla de Ángel Castro Argiz e Lina Ruz González, e ten tres irmáns —Ramón, Fidel, e Raúl— e tres irmás —Angelita, Enma, e Agustina-. Lina Ruz González era a cociñeira de Ángel Castro; estaba casado con outra muller durante o nacemento de Juanita. Tamén ten seis medio irmáns: Lidia, Pedro Emilio, Manuel, Antonia, e Georgina, que foron criados pola primeira muller Ángel Castro, María Luisa Argota,[1] e Martín Castro, fillo que tivo Ángel coa mulata Generosa Batista.[2]
Política editar
Juanita Castro foi activa na revolución cubana, comprando armas para o Movemento do 26 de xullo durante a súa campaña contra Fulgencio Batista. En 1958 viaxou ós Estados Unidos para recadar fondos para apoiar o movemento insurxente.[3] Despois da revolución Juanita sentiuse traizoada pola influencia crecente dos comunistas no goberno cubano.[4] Comezou a colaborar coa CIA en actividades contra o goberno cubano e finalmente deixou Cuba para instalarse en Miami, onde foi propietaria dunha farmacia e dende onde se pronunciou en numerosas ocasións contra o goberno de seu irmán Fidel.[5]
Notas editar
- ↑ Bardach, Ann Louise: Cuba Confidential. p57-59
- ↑ "El hermano desconocido de Fidel y Raúl Castro". La Vanguardia (en castelán). 4 de decembro de 2016. Consultado o 8 de agosto de 2019.
- ↑ "The Bitter Family". Time Magazine. 10 de xullo de 1964. Arquivado dende o orixinal o 21 de agosto de 2013. Consultado o 19 de febreiro de 2008.
- ↑ Cuba Confidential by Ann Lousie Bardach, page 57
- ↑ "Juanita Castro, hermana y crítica de Fidel, no se alegra por su muerte". The New York Times (en castelán). 28 de novembro de 2016. Consultado o 7 de outubro de 2019.