Jrue Holiday
Jrue Randall Holiday, nado o 12 de xuño de 1990 no barrio de Chatsworth (Os Ánxeles), é un xogador americano de baloncesto profesional que xoga nos Boston Celtics da National Basketball Association (NBA). É irmán dos tamén xogadores de baloncesto profesional Justin Holiday e Aaron Holiday.
Boston Celtics – No. 4 | |
Posición | Base / Escolta |
---|---|
Información persoal | |
Nacemento | 12 de xuño de 1990 (33 anos) Chatsworth (Os Ánxeles) |
Nacionalidade | Estados Unidos |
Altura | 1,91 m (6 ft 3 in) |
Peso oficial | 93 kg (205 lb) |
Información da carreira | |
Instituto | Campbell Hall (Os Ánxeles, California) |
Universidade | UCLA |
NBA Draft | 2009 / Rolda: 1 / Elección: 17 Por Philadelphia 76ers |
Carreira | dende 2009 |
Historial de equipos | |
Philadelphia 76ers (2009–2013) New Orleans Pelicans (2013–2020) Milwaukee Bucks (2020–2023) Boston Celtics (2023–presente) | |
Premios e galardóns | |
NBA All-Star (2013) |
Traxectoria profesional editar
Holiday foi elixido na 17ª posición do Draft da NBA de 2009 polos Philadelphia 76ers. Converteuse no base titular dos Sixers en marzo da tempada 2009-10. Cando Louis Williams regresou da súa lesión, Holiday perdeu o posto de titular durante uns partidos, pero cando os Sixers levaban unha xeira negativa, Holiday volveu ao posto de base titular, e o mantivo durante o resto da tempada. O 3 de abril de 2010, Holiday anotou 25 puntos contra os Toronto Raptors, a máxima anotación na súa carreira. O 5 de novembro dese mesmo ano, mellorou esa marca, anotando 29 puntos contra os Cleveland Cavaliers. O 2 de febreiro de 2011, conseguiu o seu primeiro triplo-dobre, con 11 puntos, 10 rebotes e 11 asistencias na vitoria contra os New Jersey Nets. O 24 de xaneiro de 2013, foi elixido para xogar o seu primeiro All-Star Game da NBA coma suplente. O 26 de xaneiro de 2013, superou a maior anotación da súa carreira ó anotar 35 puntos contra os New York Knicks.
O 12 de xullo de 2013, foi traspasado ós New Orleans Pelicans a cambio de Nerlens Noel e unha elección de primeira rolda do Draft de 2014.[1]
O 24 de novembro de 2020, Holiday foi traspasado ós Milwaukee Bucks nun traspaso entre catro equipos.[2]
O 27 de setembro de 2023, Holiday foi traspasado xunto a Deandre Ayton, Toumani Camara e unha elección da primeira rolda do Draft de 2029 ós Portland Trail Blazers, nun traspaso entre tres equipos que enviou a Damian Lillard ós Milwaukee Bucks, e a Grayson Allen, Jusuf Nurkić, Nassir Little e Keon Johnson ós Suns.[3] Catro días máis tarde, os Trail Blazers traspasaron a Holiday ós Boston Celtics a cambio de Robert Williams III, Malcolm Brogdon e dúas futuras eleccións da primeira rolda do Draft.[4]
Notas editar
- ↑ "Pelicans acquire All Star point guard Jrue Holiday and 2nd round pick Pierre Jackson in exchange for two first round picks". NBA.com. 12 de xullo de 2013. Consultado o 12 de xullo de 2013.
- ↑ "Milwaukee Bucks Acquire Jrue Holiday From The New Orleans Pelicans As Part Of Four-Team Deal". NBA.com. 24 de novembro de 2020.
- ↑ "Trail Blazers Acquire Deandre Ayton, Jrue Holiday and Toumani Camara in Three Team Trade With Milwaukee Bucks and Phoenix Suns". NBA.com. 27 de setembro de 2023. Consultado o 28 de setembro de 2023.
- ↑ "Boston Celtics Acquire Jrue Holiday". NBA.com. 1 de outubro de 2023. Consultado o 1 de outubro de 2023.
Véxase tamén editar
Ligazóns externas editar
- Perfil en NBA.com (en inglés)