José Manuel Sande
Este artigo (ou sección) está desactualizado(a). A información fornecida mudou ou é insuficiente. |
José Manuel Sande García, nado na Coruña en 1972, é un programador cultural, escritor cinematográfico e político galego.
| Biografía | |
|---|---|
| Nacemento | 1972  (51/52 anos)A Coruña, España |
| Cargos | |
 Concelleiro na Corporación Municipal da Coruña | |
| Período | 2015 – 2019 |
| Concelleiro de Cultura, Deporte e Coñecemento do Goberno Municipal da Coruña | |
| Período | 2015 – 2019 |
| Antecesor | Ana Fernández |
| Datos persoais | |
| Residencia | A Coruña |
| País de nacionalidade | España |
| Actividade | |
| Ocupación | Programador cultural, escritor cinematográfico, político |
| Partido político | Unidas Podemos |
| Lingua | Lingua castelá |
Traxectoria profesional editar
Licenciado en Filoloxía Hispánica, acadou a Suficiencia Investigadora en Teoría da Literatura e Literatura Comparada e cursou un Mestrado en Teatro e Cine. A comezos de 2006 comezou traballar como persoal laboral no Centro Galego de Artes da Imaxe / Filmoteca de Galicia, na área de programación.
Posúe unha extensa traxectoria como escritor e xestor cultural, activista, docente e programador. Presente en publicacións especializadas e libros colectivos coas relacións entre arte-política ou cine-literatura como eixes, investigou sobre documental e a historia do cine español.
Foi guionista e produtor asociado do filme Arraianos e interveu en proxectos de investigación académicos co cine como motor. Xurado en máis de vinte festivais cinematográficos, ten participado asiduamente en comisións de subvencións e bolsas a profesionais.
Poñente galego no Foro de Culturas Ibéricas organizado pola Universidade de Oxford (2012), é membro da Asociación Española de Historiadores del Cine, asemade ten sido un dos fundadores de iniciativas de dinamización sociocultural como Galiza Ano Cero, o blog Acto de Primavera e a revista Luzes, de cuxo consello de redacción formou parte.
Traxectoria política editar
En 2015 pasou formar parte da corporación municipal da Coruña como membro das listas da Marea Atlántica. Foi designado Concelleiro de Cultura, Deporte e Coñecemento logo do nomeamento de Xulio Ferreiro como alcalde.
En marzo de 2017 foi investigado como responsábel de que o Concello utilizara un cartel deseñado por Alberto Guitián para as festas do entroido, que a Asociación de Viúvas de Lugo consideraba unha ofensa ao sentimento relixioso.[1] A finais de maio dese mesmo ano o xulgado de instrución número 3 da Coruña decidiu arquivar a causa.[2]
En xullo de 2020 foi un dos asinantes dunha "Carta aberta á REDE da Marea Atlántica" que sinalaba que na organización "non houbo autocrítica despois das eleccións municipais de 2019"[3]
O dez de febreiro de 2023 José Manuel Sande anuncia que será o cabeza de lista de Unidas Podemos para a alcaldía da Coruña nas eleccións municipais do 28 de maio de 2023.[4]
Notas editar
- ↑ Pérez Pena, Marcos. "O concelleiro de Cultura da Coruña, imputado polo cartel do Entroido". Praza Pública. Consultado o 2017-06-24.
- ↑ Pardo, Miguel. "Arquivada a causa contra o concelleiro de Culturas da Coruña polo cartel do Entroido". Praza Pública. Consultado o 2017-06-24.
- ↑ "Carta íntegra del sector crítico de la Marea Atlántica: «Un ciclo que semella morto», pero «non está enterrado»". La Voz de Galicia (en castelán). 2020-07-30. Consultado o 2023-02-13.
- ↑ Díaz, Pablo (2023-02-10). "José Manuel Sande será el candidato de Unidas Podemos a la alcaldía de A Coruña". cadena SER (en castelán). Consultado o 2023-02-10.
Véxase tamén editar
Outros artigos editar
Ligazóns externas editar
- Biografía de José Manuel Sande García Páxina web do Concello da Coruña
- Ficha na páxina web do Senado de España