José Luis Martín Vigil
José Luis Martín Vigil, nado en Oviedo o 28 de outubro de 1919 e finado en Madrid o 20 de febreiro de 2011, foi un escritor e anteriormente crego asturiano en lingua castelá.
| Biografía | |
|---|---|
| Nacemento | 28 de outubro de 1919  Oviedo, España |
| Morte | 20 de febreiro de 2011 (91 anos) Alcobendas, España |
| Datos persoais | |
| País de nacionalidade | España |
| Relixión | Igrexa católica |
| Actividade | |
| Ocupación | sacerdote católico (1953–), escritor |
| Lingua | Lingua castelá |
| Orde relixiosa | Compañía de Xesús |
| Obra | |
Obras destacables
| |
Premios | |
Traxectoria editar
Estudou a escola e o bacharelato cos xesuítas en Oviedo e a comezos dos anos trinta desprázase a Madrid para estudar na acabada de crear Escola Técnica Superior de Enxeñeiros Navais. Sorpréndeo a Guerra Civil española nas vacacións de verán en Asturias e alístase co bando nacionalista, onde participa en combates na fronte do Ebro, na toma de Madrid, en Estremadura e en Toledo.
Ao rematar a contenda acaba a enxeñería e fai Filosofía e Teoloxía na Universidade de Comillas. En 1948 ingresa na Compañía de Xesús e cinco anos máis tarde ordéase sacerdote católico. Traballou como capelán de residencias universitarias e profesor en distintos centros de ensino, mentres compaxinaba estes labores co de crego; entre eles figurou entre 1951 e 1953 o colexio Santiago Apóstolo de Vigo.
En 1955 publica a súa primeira novela en México, novela que tería un importante éxito na España franquista: La vida sale al encuentro, ambientada precisamente en Vigo. Tres anos máis tarde, en 1958, abandonaría a Compañía de Xesús e varios anos despois veríase forzado tamén a deixar o sacerdocio debido á súa homosexualidade[1]. A partir desa primeira novela comezou a escribir con máis asiduidade, en especial novelas para xente nova, aínda que tamén cultivou outros xéneros, como a novela erótica. Tamén presentou programas de radio e televisión, entre eles un con Susana Estrada onde se abordaba a educación sexual na España dos anos oitenta.
Obras editar
Ficción editar
- La vida sale al encuentro (1955)
- Sexta galería (1962)
- Réquiem a cinco voces (1963)
- Tierra Brava (1966)
- Una chabola en Bilbao
- Los curas comunistas
- Nación de muchachos (1973)
- Muerte a los curas (1974)
- Cierto olor a podrido (1979)
- Doce indeseables (1982)
- El rollo de mis padres (1982)
- El faro de barlovento (1983)
- Un tal Marcos (1984)
- The boys' war (1984)
- Mi nieto Jaime (1985)
- Habla mi viejo (1986, Premio Gran Angular)
- Beatriz, un caso aparte (1987)
- Tres primos entre sí (1988)
- Ganímedes en Manhattan (1988)
- Iba para figura (1991)
- Me llamo Tolo (1994)
Non ficción editar
- Un sexo llamado débil (1973)
- Destino: Dios
- ¡En marcha, cristianos!
- Listos para resucitar
- Yo, Ignacio de Loyola (1989)