José Adrio Barreiro
José Adrio Barreiro, nado en Pontevedra en 1910 e finado na mesma cidade o 12 de novembro de 1936, foi un avogado e político galego.
| Biografía | |
|---|---|
| Nacemento | 1910  Pontevedra, España |
| Morte | 12 de novembro de 1936 (25/26 anos) Pontevedra, España |
| Lugar de sepultura | Cemiterio de Santo Amaro de Pontevedra |
| Gobernador civil da provincia de Ourense | |
| Presidente da Deputación de Pontevedra | |
| | |
| Datos persoais | |
| País de nacionalidade | España |
| Actividade | |
| Ocupación | avogado , político |
| Lingua | Lingua castelá |
| Familia | |
| Irmáns | Gonzalo Adrio Barreiro |
Traxectoria editar
Fillo de José Adrio Mañá e irmán de Francisco (veterinario) e Gonzalo Adrio Barreiro (avogado). Foi Gobernador Civil de Ourense en 1933. Nas eleccións de novembro de 1933 integrou a candidatura do Partido Republicano Radical Socialista con Celestino Poza Cobas e Benito Méndez Rodríguez.[1] Logo do triunfo do Frente Popular nas eleccións de febreiro de 1936, foi nomeado membro da xestora da Deputación de Pontevedra e elixido presidente o 19 de marzo[2]. Cesou o 26 de marzo. En abril de 1936 foi elixido compromisario na candidatura da Fronte Popular por Pontevedra para a elección do presidente da República.[3] Dirixente de Unión Republicana, co golpe de Estado do 18 de xullo de 1936 foi detido, xulgado e condenado á pena de morte. Foi fusilado o 12 de novembro de 1936.
| Predecesor: Luis Fontaíña Serrapio |
 Presidente da Deputación de Pontevedra 1936 |
Sucesor: Maximiliano Pérez Prego |
Vida persoal editar
Estaba casado con Aurora Poza Pastrana, filla de Celestino Poza Cobas e irmá dos médicos Celestino e Luis Poza Pastrana (tamén asasinado).
Galería de imaxes editar
-
Placa en Pontevedra en memoria dos fusilados o 12 de novembro de 1936. -
Lápida no Cemiterio de Santo Amaro de Pontevedra.
Notas editar
- ↑ El Pueblo Gallego, 16-11-1933, p. 10.
- ↑ El Pueblo Gallego, 20-3-1936, p, 12.
- ↑ La Vanguardia, ed. (28 de abril de 1936). "Las elecciones de compromisarios en provincias". Barcelona: 30. Consultado o 9 de abril de 2011.
Véxase tamén editar
Bibliografía editar
- Lamela García, V. Luís (1992). Inmolados gallegos: Alexandro Bóveda, Víctor Casas, Telmo Bernárdez, Adrio Barreiro… (en castelán). Ediciós do Castro. ISBN 84-7492-655-6.
Ligazóns externas editar
- José Adrio Barreiro na páxina web Nomes e Voces.