Jon Morgan Searle

xornalista británico

Jon Morgan Searle, nado en Buckfast (Devon) o 22 de xuño de 1930 e finado en Xibraltar o 13 de marzo de 2012, foi un xornalista xibraltareño e editor do Gibraltar Chronicle. Tamén foi correspondente da axencia de noticias Reuters e do The Times de Londres.

Jon Morgan Searle
Nacemento22 de xuño de 1930
Lugar de nacementoBuckfast, Devon
Falecemento13 de marzo de 2012
Lugar de falecementoXibraltar
Nacionalidadebritánica
Alma máterUniversidade McGill
Ocupaciónxornalista
CónxuxeLina Searle
FillosDominique Searle
editar datos en Wikidata ]

Traxectoria editar

Na súa infancia, mudouse para o Canadá despois da morte de súa nai, e foi creado por amigos da familia. Formouse en artes plásticas na Universidade McGill, no Quebec, antes de regresar ao Reino Unido, onde serviu no Royal Army Educational Corps.[1]

Durante o servizo militar, foi enviado a Xibraltar, por primeira vez, onde ensinou arte e coñeceu a súa futura esposa, Lina. A parella volveu a Inglaterra, onde Lina estudou fisioterapia en Manchester e Jon graduouse en socioloxía en Liverpool. Despois de completar os seus estudos, a parella viviu por algún tempo en Coventry, antes de regresar a Xibraltar.[1]

No Peñón, Searle traballou como oficial de xustiza e profesor na Escola St. Jago, en finais dos anos 1950. Neste momento, apareceu unha oportunidade para integrar o equipo de xornalistas do Gibraltar Chronicle, e en 1966, Searle converteuse en editor do xornal, cargo que ocupou ata 1986. Durante este tempo el tamén foi correspondente da Reuters e The Times de Londres, informando sobre Xibraltar e toda a rexión.[1]

Searle tamén actuou como secretario da Biblioteca Garrison por moitos anos. O seu fillo, Dominique tamén se fixo editor do Chronicle en 1996.[2]

Jon Searle morreu o 13 de marzo de 2012.[1]

Autobiografía editar

  • Song for a new life[3]

Notas editar

  1. 1,0 1,1 1,2 1,3 Gibraltar Chronicle, ed. (2012-03-14). "Former Chronicle editor dies" (en inglés). Arquivado dende o orixinal o 07-01-2013. Consultado o 30-09-2012. 
  2. Gibraltar Chronicle (ed.). "Previous Editors" (en inglés). Arquivado dende o orixinal o 20-11-2012. Consultado o 30-09-2012. 
  3. This is Devon, ed. (05-05-2012). "Buckfast boy cast adrift by WWII" (en inglés). Arquivado dende o orixinal o 14-01-2013. Consultado o 30-09-2012. 

Véxase tamén editar

Ligazóns externas editar