John Huston

John Huston
	;
Nome orixinal	(en) John Marcellus Huston
Biografía
Nacemento	5 de agosto de 1906 ; Nevada, Estados Unidos de América (pt)
Morte	28 de agosto de 1987 (81 anos); Middletown, Estados Unidos de América (pt)
Causa da morte	Pneumonía
Lugar de sepultura	Hollywood Forever Cemetery (pt)
Datos persoais
País de nacionalidade	Estados Unidos de América
Relixión	Ateísmo
Educación	Art Students League of New York (pt) ; Abraham Lincoln High School (en) ; Hollywood High School (en)
Altura	187 cm
Actividade
Lugar de traballo	Hollywood
Ocupación	actor , produtor de cinema , escritor , actor de xénero , guionista , actor de cinema , director de cinema , realizador
Período de actividade	1930 - 1987
Empregador	Samuel Goldwyn Productions (en) ; Universal Studios ; Signal Corps (pt)
Partido político	Partido Republicano
Lingua	Lingua inglesa
Familia
Cónxuxe	Celeste Shane (1972–1977), divorcio; Enrica Soma (1950–1969), morte do cónxuxe; Evelyn Keyes (1946–1950), divorcio; Lesley Black (1937–1945), divorcio; Dorothy Harvey (1925–1933), divorcio
Fillos	Allegra Huston (pt) , filla adoptiva; () John Julius Norwich (pt) Enrica Soma; Tony Huston; () Enrica Soma; Anjelica Huston; () Enrica Soma; Danny Huston; () Zoe Sallis (en)
Pais	Walter Huston e Rhea Gore (en)
	Premios (1983) AFI Life Achievement Award; (1947) Óscar ó mellor director, premiado polo traballo The Treasure of the Sierra Madre (pt) ; (1947) Óscar ó mellor guión adaptado, premiado polo traballo The Treasure of the Sierra Madre (pt) ; Lexionario da Lexión do Mérito; Medalha de Vitória da Segunda Guerra Mundial (pt) ; Asiatic-Pacific Campaign Medal (en) ; Medalha da Campanha Americana (pt) ; León de Ouro; estrela no Paseo da Fama de Hollywood ;

John Huston, nado en Nevada (Missouri) o 5 de agosto de 1906 e finado o 28 de agosto de 1987, foi un director, guionista e actor de cinema norteamericano.

Traxectoria editar

Foi un personaxe inquedo, xa que tamén foi boxeador, xornalista, novelista, militar, criador de cabalos, cazador, coleccionista de arte... De feito, na súa adolescencia chegou a ser un campión de boxeo e exerceu como agregado militar estadounidense no exército mexicano. Contraeu o seu primeiro matrimonio á temperá idade de 20 anos. Viviu como pintor na rúa en París durante unha tempada, traballou como actor e foi redactor nunha revista neoiorquina.

Comezou no cine como extra nalgunha película, como O home de palla, Santos do inferno ou The Storm. Grazas ao seu pai, que era actor, foi guionista de varias películas de William Wyler (A casa da discordia ou Jezebel) e traballou nunha cantidade impresionante de guións durante a década de 1930 e principios dos anos 1940 (O sarxento York, O dobre crime de rúa Morgue, O último refuxio, entre outras). A súa primeira película como director, da que tamén foi guionista, O falcón maltés, segue sendo considerada unha obra mestra da historia do cine, con Humphrey Bogart como protagonista. As súas seguintes películas importantes tamén estiveron protagonizadas por Bogart: O tesouro de Serra Madre e Key Largo.

A raíña de África, outra das súas obras mestras, rodada en 1951, demostrou ao seu equipo ata onde estaba disposto a chegar para rodar unha película, rodando na República do Congo, con mosquitos, calor e todo tipo de enfermidades. Errol Flynn e Trevor Howard tamén sufriron grandes penalidades durante a rodaxe de As raíces do ceo no Chad.

Con todo, a súa carreira tivo certa irregularidade, ao aceptar dirixir películas como A Biblia, producida por Dino de Laurentiis; Annie; Evasión ou vitoria, ou Casino Royale, película de James Bond que contou con cinco directores distintos.

A pesar diso, seguiu facendo grandes películas posteriormente, como Reflexos nun ollo dourado ou Debaixo do volcán.

Tivo ocasión de dirixir ao seu propio pai, o oscarizado actor Walter Huston, en polo menos cinco longametraxes, e tamén dirixiu á súa filla, Anjelica Huston, en A honra dos Prizzi e en Dublineses, entre outras.

Faleceu en Middletown (Rhode Island) dun enfisema. Pódese afirmar que Huston é un dos grandes directores da historia recente do cine.

Filmografía como director editar

Estatua de John Huston, Porto Vallarta, México.

The Maltese Falcon (1941)
In This Our Life (1942)
Across the Pacific (1942)
Report from the Aleutians (1943)
The Battle of San Pietro (1945)
Let There Be Light (1946)
The Treasure of the Sierra Madre (1948)
Key Largo (1948)
We Were Strangers (1949)
A xungla do asfalto (1950)
The Red Badge of Courage (1951)
A raíña de África (1951)
Moulin Rouge (1953)
A burla do demo (1953)
Moby Dick (1956)
Heaven Knows, Mr. Allison (1957)
O bárbaro e a gueixa (1958)
As raíces do Ceo (1958)
Os que non perdoan (1960)
Vidas rebeldes (1960)
Freud, paixón secreta (1962)
A lista de Adrian Messenger (1963)
A noite da iguana (1964)
A Biblia (1966)
Reflections in a Golden Eye (1967)
Casino Royale (1967)
Sinful Davey (1969)
A Walk with Love and Death (1969)
A carta do Kremlin (1970)
Fat City (1972)
The Life and Times of Judge Roy Bean (1972)
O home de MacKintosh (1973)
O home que puido reinar (1975)
Wise Blood (1979)
Phobia (1980)
Evasión ou vitoria (1981)
Annie (1982)
Debaixo do volcán (1984)
Prizzi's Honor (1985)
Dublineses. Os mortos (1987)

Como guionista editar

Mr. North 1988 - (con Janet Roach, & James Costigan)
O home que puido reinar 1975 - (con Gladys Hill)
A noite da iguana 1964 - (con Anthony Veiller)
Heaven Knows, Mr. Allison 1957 - (con John Lee Mahin)
Moby Dick 1956 - (con Ray Bradbury)
A burla do demo 1953 - (con Truman Capote)
Moulin Rouge 1952 - (con Anthony Veiller)
A raíña de África 1951 - (con James Agee)
Key Largo 1948 - (con Richard Brooks)
We Were Strangers 1949 - (con Peter Viertel)
The Treasure of the Sierra Madre 1948 -
Os asasinos 1946 - (con Anthony Veiller)
Three Strangers (1946) (con Howard Koch)
High Sierra 1941 - (con W.R. Burnett)
The Maltese Falcon 1941 - (adaptación)
Sergeant York 1941 - (con Abem Finkel, Harry Chandler, & Howard Koch)
The Amazing Dr. Clitterhouse 1938 - (con John Wexley)
Jezebel 1938 - (con Clements Ripley, Abem Finkel, & Robert Buckner)
Murders in the Rue Morgue 1932 (con Tom Reed & Dale Van Every)

Como actor editar

Non inclue filmes nos que tamén foi director

O cardeal (1963, dir: Otto Preminger)
Candy (1968, director: Christian Marquand)
Rocky Road to Dublin (Documentary) (as Interviewee, 1968, director: Peter Lennon)
De Sade (1969, dir: Cy Endfield)
Myra Breckinridge (1970, dir: Michael Sarne)
Man in the Wilderness (1971, dir: Richard C. Sarafian)
The Bridge in the Jungle (1971)
Rufino Tamayo: The Sources of his Art (documentary) (1972, dir: Gary Conklin)
Battle for the Planet of the Apes (1973, dir: J. Lee Thompson)
Chinatown (1974, dir: Roman Polanski)
Breakout (1975)
The Wind and the Lion (1975, dir: John Milius)
Tentacles (1977, dir: Ovidio G. Assonitis)
The Greatest Battle (1978, dir: Umberto Lenzi)
The Bermuda Triangle (1978, dir: René Cardona, Jr.)
Angela (1978, dir: Boris Sagal)
The Visitor (1979, dir: Giulio Paradisi)
Winters Kills (1979, dir: ((Willam Richert))
A Minor Miracle (1983, dir: Raoul Lomas)
Notes from Under the Volcano (documentary) (como si mesmo, 1984, dir: Gary Conklin)
Lovesick (1984, dir: Marshall Brickman)
Momo (1986, dir: Johannes Schaaf)