Jimena de la Frontera

Jimena de la Frontera é un concello da provincia de Cádiz, na comunidade autónoma de Andalucía. Está situada na comarca de Campo de Xibraltar, a 112 km da capital provincial, Cádiz.

Jimena de la Frontera

Localización
36°26′00″N 5°27′00″O
Estado	España
Comunidade autónoma	Andalucía
Provincia	Provincia de Cádiz
Capital	Jimena de la Frontera
Poboación
Poboación	6.675 (2023) (19,31 hab./km²)
Xeografía
Parte de	Q100593631 Q107553374 Campo de Xibraltar
Superficie	345,66 km²
Altitude	99 m
Comparte fronteira con	Alcalá de los Gazules Manilva (pt) San Roque Casares (pt) Cortes de la Frontera (pt) Gaucín (pt) Castellar de la Frontera
Organización política
• Alcalde	Guillermo Ruiz Ruiz (en)
Identificador descritivo
Código postal	Jimena: 11330 Estación de Jimena: 11339 San Pablo de Buceite: 11320
Fuso horario	UTC+01:00
Código INE	11021
Páxina web	jimenadelafrontera.es

O municipio ten catro localidades: Jimena de la Frontera, Los Ángeles ou Estación de Jimena, San Pablo de Buceite e San Martín del Tesorillo. O seu territorio, situado entre a Baía de Alxeciras e a Serranía de Ronda, está incluído no Parque Natural dos Alcornocales (corticeiras).

Limita polo norte coas localidades de Cortes de la Frontera e Gaucín (ambas da provincia de Málaga), polo sur con Castellar de la Frontera e San Roque, polo leste coas poboacións de Málaga de Gaucín e Casares, e polo oeste con Alcalá de los Gazules.

Xeografía

Jimena de la Frontera sitúase na zona oriental da provincia, no interior da comarca do Campo de Xibraltar, na estrada San Roque-Ronda. Áchase veciña á provincia de Málaga, sendo o límite efectivo da provincia de Cádiz con esta. A súa localización entre a Serranía de Ronda e a Baía de Alxeciras conserva unha dos paraxes de bosque mediterráneo máis importantes do sur de Europa: o Parque Natural das Corticeiras.

O territorio de Jimena está situado ao norte do Campo de Xibraltar, polo que as súas terras non tocan o mar, co que se comunica a través do río Guadarranque, que nace no sueste do concello. Outro río que transcorre polo municipio é o río Guadiaro, e o río Hozgarganta, que xunto a numerosos afluentes de escaso caudal configuran a rede hidrolóxica do municipio.

Jimena desde o castelo.

Xeoloxicamente pertence ao denominado complexo do Campo de Xibraltar. Estes terreos, compostos de arxilas e arenitas do Cretáceo e Mioceno Inferior, foron depositados en ambientes oceánicos e postoceánicos e dobrados, levantados e trasladados durante o período cuaternario na oroxenia alpina.

Case as dúas terceiras partes do seu termo municipal pertence ao "Parque Natural Los Alcornocales" de orografía cha e clima benigno. A zona sueste, fóra do parque, está formada por un conxunto de curutos de onde saen as augas que orixinan os regos que se unirán ao Guadarranque.

Demografía

Segundo os datos publicados polo Instituto Nacional de Estadística, referidos ao 1 de xaneiro de 2009, tiña 10.431 habitantes. A súa extensión superficial é de 347 km² e ten unha densidade de 29,88 hab/km². Evolución da poboación desde 1900.

Política

O alcalde de Jimena de la Frontera é Pascual Collado Saraiva, do PSOE, que obtivo a maioría nas eleccións municipais de 2007. Substitúe a Ildefonso Gómez Ramos, do mesmo partido político.

Eleccións municipais

Anos	Partidos políticos	%	Votos	Concelleiros
2007	PSOE PA PP	49,48% 19,71% 19,23%	2772 1104 1077	7 3 3
2003	PSOE PA PP	51,15% 31,6% 16,03%	2687 1660 842	7 4 2
1999	PSOE PA PP IU	57,98% 19,77% 12,53% 8,78%	2965 1011 641 449	8 3 1 1
1995	PSOE PAP PP IU PA	60,40% 14,57% 12,18% 11,20% 0,42%	3019 728 609 560 21	9 2 1 1 0

Véxase tamén

Ligazóns externas

• Estadística económica de Jimena de la Frontera Arquivado 27 de maio de 2006 en Wayback Machine. - Sistema de Información Multiterritorial de Andalucía