Jim Sheridan
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde agosto de 2016.) |
Jim Sheridan, nado en Dublín o 6 de febreiro de 1949, é un director, produtor e guionista de cine irlandés.
  | |
| Biografía | |
|---|---|
| Nacemento | 6 de febreiro de 1949 (75 anos) Dublín, Irlanda |
| Datos persoais | |
| País de nacionalidade | Irlanda |
| Educación | University College Dublin (pt)  |
| Actividade | |
| Lugar de traballo | Irlanda |
| Ocupación | actor , produtor de cinema , guionista , director de cinema , realizador |
| Período de actividade | 1989 - |
| Lingua | Lingua inglesa |
| Obra | |
Obras destacables
| |
| Familia | |
| Fillos | Kirsten Sheridan (pt) |
Premios
| |
      | |
Traxectoria editar
Comezou a súa carreira no teatro coma un dos fundadores do Project Art Centre de Dublín. Nesa época estivo adicado á produción teatral.
A comezos dos anos 80, emigrou aos Estados Unidos xunto coa súa muller e as súas dúas fillas, coa intención de internarse no mundo de Broadway. Unha vez alí, matriculouse na Escola de Cine da Universidade de Nova York.
Non será ata finais da década dos 80 cando Sheridan dea o salto á dirección cinematográfica co filme O meu pé esquerdo, que ademais de ser un éxito de público, impulsaría o renacemento da cinema irlandés. O filme obtivo cinco candidaturas aos Óscar, incluíndo Mellor Película, Mellor dirección e Mellor guión adaptado, e facéndose con dous, os correspondentes ao Mellor actor principal e á Mellor actriz secundaria, que foron para Daniel Day-Lewis e Brenda Fricker.
A pesar das numerosas ofertas que recibiu de Hollywood, Sheridan decidiu continuar dirixindo na súa Irlanda natal. A súa seguinte película sería The Field, pola que Richard Harris resultaría candidato ao Óscar pola interpretación dun granxeiro que defende a súa terra das garras dos especuladores inmobiliarios. Posteriormente escribiu o guión do filme Into the West que dirixiu o inglés Mike Newell.
En 1993, Sheridan escribiu, produciu e dirixiu In the Name of the Father ("No nome do pai"), drama que conta a loita de Gerry Conlon, un home acusado falsamente e encarcerado coma terrorista do IRA. Para este filme, Sheridan volveu contar con Daniel Day-Lewis, ademais de Emma Thompson e de Pete Postlethwaite. Sheridan obtivo a súa segunda candidatura para o Óscar ao Mellor director, ao que lle habería de sumar as candidaturas ao Mellor guión adaptado e á Mellor película.
Nos anos seguintes, Sheridan produce e escribe diferentes filmes, ata que en 1997 volve á dirección con The Boxer na que é a súa última colaboración con Day-Lewis. En 2002 escribe, dirixe e produce o filme con trazos autobiográficos In America, onde retrata a vida dunha familia irlandesa inmigrante nos Estados Unidos dos anos 80.
Posteriormente dirixiu, xa nos Estados Unidos, Get Rich Or Die Tryin, Brothers, remake do filme dinamarqués de Susanne Bier Brødre, e o suspense Dream House, polo que non obtivo moi boas críticas.[1]
Filmografía editar
| Ano | Filme | Funcións |
|---|---|---|
| 2015 | The Secret Scripture | Director e guionista |
| 2012 | Dollhouse | Produtor executivo |
| 2011 | Dream House | Director |
| 2009 | Brothers | Director |
| 2005 | Get Rich or Die Tryin' | Director e produtor |
| 2003 | In America | Guionista, director e produtor |
| 2002 | Bloody Sunday | Produtor executivo |
| 2001 | On the Edge | Produtor executivo |
| 2000 | Borstal Boy | Produtor executivo |
| 1999 | Agnes Browne | Produtor executivo |
| 1997 | The Boxer | Guionista, director e produtor |
| 1996 | Some Mother's Son | Guionista e produtor |
| 1993 | In the Name of the Father | Director, guionista e produtor |
| 1993 | Into the West | Guionista |
| 1990 | The Field | Director e guionista |
| 1989 | O meu pé esquerdo | Director e guionista |
Notas editar
- ↑ "Naomi Watts Takes Residence in Murdered Family's 'Dream House'". Bloody Disgusting. 23-1-2010. Consultado o 23-7-2013.