Jakub Schikaneder
Jakub (ou Jakob) Schikaneder, nado o 27 de febreiro de 1855 en Praga e finado o 15 de novembro de 1924 na mesma cidade, foi un pintor bohemio (imperio austro-húngaro).
Biografía | |
---|---|
Nacemento | 27 de febreiro de 1855 Praga |
Morte | 15 de novembro de 1924 (69 anos) Vinohrady (en) |
Lugar de sepultura | Cemitério Vinohrady (pt) |
Datos persoais | |
País de nacionalidade | Imperio Austríaco Cisleitania Checoslovaquia |
Educación | Academia de Belas Artes de Praga |
Actividade | |
Ocupación | pintor , ilustrador , mestre |
Lingua | Lingua checa |
Biografía editar
Schikaneder procedía da familia dun empregado de aduana alemán. A pesar da pobre formación familiar, puido continuar os seus estudos, grazas en parte ao amor da súa familia pola arte; un antepasado foi Urban Schikaneder, o irmán máis vello do libretista de A frauta máxica Emanuel Schikaneder. Despois de completar os seus estudos en Praga e Múnic (1871–1879), Schikaneder, xunto a Emanuel Krescenc Liška, participou no amoblamento do palco real do Teatro Nacional de Praga; porén, esta obra perdeuse nun incendio en 1881. Despois do seu traballo no Teatro Nacional, Schikaneder viaxou por Europa, visitando Alemaña, Inglaterra, Escocia, Holanda, Suíza, Italia e Francia. Desde 1891 até 1923 ensinou na Facultade de Arte de Praga. Schikaneder contouse entre os que admiraban a Escola de Múnic de finais do século XIX.
Morreu en 1924 e foi enterrado no cemiterio de Vinohrady en Praga. [1]
Traballo editar
Schikaneder é coñecido polas súas pinturas suaves do aire libre, con personaxes que adoitan ser xente pobre e marxinada. Outros motivos favorecidos por Schikaneder foron o outono e o inverno, os recunchos e as rúas da cidade de Praga e as ribeiras do Moldava, moitas veces á luz do anoitecer ou cubertos de néboa. A súa primeira obra coñecida foi o cadro monumental O arrepentimento dos lolardos (2,5 m × 4 m, perdido). A National Gallery de Praga realizou unha exposición das súas pinturas en 1998 e 1999.
Escolma de obras editar
-
O camiño triste, 1886/87
-
Desbrozadora, 1887
-
Compañía na Terraza, 1887
-
Día de todas as almas (Santos defuntos), 1888
-
Asasinato na casa, 1890
-
Rúa da Tarde, 1906
-
Noite no xardín, 1907–09
-
Xunto a cama da rapaza, 1909 - 1910
-
Crepúsculo, 1909
Notas editar
- ↑ Vinohrady Cemeteries, MyCzechRepublic.com, consultado o 20 de novembro de 2013
Véxase tamén editar
Wikimedia Commons ten máis contidos multimedia na categoría: Jakub Schikaneder |
- Tomáš Vlček [cs]: Schikaneder: Jakub Schikaneder, Prague painter of the turn of the century ("Guía temática da exposición na National Gallery en Praga, Collection of Old Masters, Wallenstein Riding School en Praga, 15 de maio de 1998 a 10 de xaneiro de 1999"). Praga: Galería Nacional, 1998.
Ligazóns externas editar
- (fr) Radio Praga - extensa biografía
- Exposición Arquivado 20 de xullo de 2017 en Wayback Machine. na Galería Moravia de Brno