Wikipedia

JaVale McGee

baloncestista estadounidense

JaVale Lindy McGee, nado en Flint (Míchigan) o 19 de xaneiro de 1988, é un xogador estadounidense de baloncesto que actualmente xoga para os Sacramento Kings da National Basketball Association (NBA). No Draft da NBA do 2008 foi seleccionado no posto 18 da primeira rolda polos Washington Wizards.

JaVale McGee
Sacramento Kings – No. 00
Posición Pivote
Información persoal
Nacemento 19 de xaneiro de 1988 (36 anos)
Flint, Míchigan
Nacionalidade Estados Unidos de América Estados Unidos
Altura 2,13 m (7 ft 0 in)
Peso oficial 114 kg (252 lb)
Información da carreira
Instituto Detroit Country Day
Providence Christian
Hales Franciscan
Universidade Nevada (2006-2008)
NBA Draft 2008 / Rolda: 1 / Elección: 18
Por Washington Wizards
Carreira dende 2008
Historial de equipos
Washington Wizards (2008−2012)
Denver Nuggets (2012−2015)
Philadelphia 76ers (2015)
Dallas Mavericks (2015−2016)
Golden State Warriors (2016−2018)
Los Angeles Lakers (2018−2020)
Cleveland Cavaliers (2020−2021)
Denver Nuggets (2021)
Phoenix Suns (2021−2022)
Dallas Mavericks (2022−2023)
Sacramento Kings (2023−presente)

Traxectoria editar

Instituto e universidade editar

McGee asistiu a dúas escolas universitarias en Míchigan: Detroit Country Day e Providence Christian, antes de ser trasladado á Hales Franciscan High School en Chicago.[1] O adestrador da Universidade Hales Franciscan de Nevada, Gary London, dicía que a posición natural ideal de McGee na Universidade foi ala, e que incluso podería chegar a xogar nesa posición.[1] Despois da súa campaña como sophomore, ou "estudante de segundo ano", na cal realizou un total de 14,3 puntos e 7,3 rebotes, un 53% en tiros de campo e un 33% en tiros de tres, McGee decidiu presentarse ao Draft do 2008.[2]

Profesional editar

Despois de ser seleccionado no Draft do 2008 polos Wizards, asinou un contrato co equipo de Washington o 9 de xullo nese mesmo ano de 2,4 millóns de dólares estadounidenses por dous anos.[3] O 9 de xaneiro de 2010, os Wizards multaron a McGee con 10.000 dólares estadounidenses por participar nas tolerías de Gilbert Arenas antes dun partido o 5 de xaneiro de 2012 contra os Philadelphia 76ers; sucedeu no vestiario dos Wizards, cando Arenas xogaba a apuntar cos dedos aos seus compañeiros coma se estes foran armas. Os implicados foron fotografados sorrindo e rindo xunto con Arenas.[4]

O 6 de xaneiro de 2011, McGee foi seleccionado para participar no concurso de mates ou Slam Dunk Contest, sendo o primeiro Wizard en participar no concurso.[5] Quedou en segundo lugar, por debaixo de Blake Griffin. JaVale foi o primeiro xogador en conseguir aparecer no Libro Guinness dos Récords grazas ao mate que fixo con tres balóns nunha mesma canastra. O terceiro balón foi pasado polo seu excompañeiro de equipo John Wall.

O 15 de marzo de 2012, McGee foi traspasado xunto a Ronny Turiaf ós Denver Nuggets nun acordo que mandou a Nenê ós Wizards.[6]

O 19 de febreiro de 2015, McGee foi traspasado xunto ós dereitos de Chukwudiebere Maduabum e unha elección da primeira rolda do Draft de 2015 ós Philadelphia 76ers, a cambio dos dereitos de Cenk Akyol.[7] Tras xogar en seis partidos con Philadelphia, foi cortado o 1 de marzo de 2015.[8]

O 13 de agosto de 2015, McGee asinou cos Dallas Mavericks.[9] Tras perderse os primeiros 13 partidos da tempada debido a unha lesión, debutou cos Mavs o 22 de novembro de 2015 contra os Oklahoma City Thunder.[10] O 8 de xullo de 2016, McGee foi cortado polos Mavericks.[11]

O 16 de setembro de 2016, McGee asinou cos Golden State Warriors,[12] cos que conseguiu o seu primeiro campionato da NBA, despois da vitoria por 4-1 nas Finais da NBA contra os Cleveland Cavaliers. O 1 de agosto de 2017, McGee renovou o seu contrato cos Warriors unha tempada máis.[13] En xuño de 2018, gañou a NBA por segunda vez consecutiva despois de que Golden State gañase por 4-0 ós Cavaliers. McGee xogou de titular nos tres últimos partidos das Finais, acadando 8.0 puntos por encontro en toda a serie.[14]

O 10 de xullo de 2018, McGee asinou cos Los Angeles Lakers.[15] Cos Lakers conseguiu o seu terceiro campionato da NBA na tempada 2019-20, despois da vitoria por 4-2 nas Finais fronte os Miami Heat.

O 23 de novembro de 2020, McGee foi traspasado ós Cleveland Cavaliers a cambio de Alfonzo McKinnie e Jordan Bell.[16]

O 25 de marzo de 2021, McGee foi traspasado ós Denver Nuggets a cambio de Isaiah Hartenstein e dúas futuras eleccións da segunda rolda do Draft.[17]

O 16 de agosto de 2021, McGee asinou cos Phoenix Suns.[18]

O 9 de xullo de 2022, McGee asinou cos Dallas Mavericks.[19]

Notas editar

  1. ↑ 1,0 1,1 Nevada lands recruit McGee, son of former WNBA star (en inglés)
  2. ↑ 'Big Secret' out at Nevada; McGee declares for draft (en inglés)
  3. ↑ Rookie McGee signs contract with Wizards (en inglés)
  4. ↑ The Washington Wizards have fined four players for participating in Arenas' antics (en inglés)
  5. ↑ Griffin, Ibaka, Jennings and McGee set for Sprite Slam Dunk Arquivado 10 de novembro de 2012 en Wayback Machine. (en inglés)
  6. ↑ "Wizards trade JaVale McGee and Nick Young". Arquivado dende o orixinal o 25 de febreiro de 2015. Consultado o 25 de febreiro de 2015. 
  7. ↑ "Sixers Acquire Two First-round Picks, A 2015 Second-round Pick, Isaiah Canaan, And JaVale McGee". NBA.com. 19 de febreiro de 2015. Consultado o 19 de febreiro de 2015. 
  8. ↑ Sixers Waive JaVale McGee
  9. ↑ "Mavericks sign center Javale Mcgee". mavs.com. 13 de agosto de 2015. Consultado o 13 de agosto de 2015. 
  10. ↑ "Westbrook helps Thunder snap Mavericks' 6-game win streak". NBA.com. 22 de novembro de 2015. Arquivado dende o orixinal o 22 de novembro de 2015. Consultado o 22 de novembro de 2015. 
  11. ↑ "Mavericks waive JaVale McGee". InsideHoops.com. 8 de xullo de 2016. Arquivado dende o orixinal o 10 de xullo de 2016. Consultado o 8 de xullo de 2016. 
  12. ↑ Letourneau, Connor (14 de setembro de 2016). "Warriors sign four players ahead of training camp". SFGate.com. Consultado o 14 de setembro de 2016. 
  13. ↑ "Warriors Re-Sign Center JaVale McGee". NBA.com. 1 de agosto de 2017. Consultado o 1 de agosto de 2017. 
  14. ↑ "JaVale McGee 2017–18 Game Log". Basketball-Reference.com. Arquivado dende o orixinal o 12 de xuño de 2018. Consultado o 9 de xuño de 2018. 
  15. ↑ "Lakers Sign JaVale McGee". NBA.com. 10 de xullo de 2018. Consultado o 10 de xullo de 2018. 
  16. ↑ "Lakers Acquire Jordan Bell and Alfonzo McKinnie". NBA.com. Consultado o 23 de novembro de 2020. 
  17. ↑ "Denver Nuggets acquire center JaVale McGee from Cleveland Cavaliers". NBA.com. 25 de marzo de 2021. 
  18. ↑ "Suns sign JaVale McGee". NBA.com. 16 de agosto de 2021. 
  19. ↑ Sefko, Eddie (10 de xullo de 2022). "Mavericks sign McGee, hope his championship pedigree rubs off". mavs.com. Consultado o 10 de xullo de 2022. 

Véxase tamén editar

Ligazóns externas editar

Traído desde «https://gl.wikipedia.org/w/index.php?title=JaVale_McGee&oldid=6632781»